M2 Browning
M2 Browning | |
---|---|
Ur vindrailherez M2 Browning war he zrebez | |
Kinnig | |
Bro | |
Mont en-dro | Mindrailherez |
Munisionoù | 12,7 × 99 mm NATO (.50 BMG) |
Produerien | Hiziv an deiz : FN Herstal, General Dynamics
Bet : Colt's Manufacturing Company, Savage Arms, Springfield Armory, General Motors, Rock Island Arsenal ha reoù all |
Mare produiñ | Abaoe 1921 |
Pouez ha muzulioù (stumm kentañ) | |
Mas hollek gant an trebez (hep kartouchenn) | 45,36 kg |
Hirder | 1.653 mm |
Hirder ar c'hanol | 1.143 mm |
Perzhioù all | |
Hed-tenn pleustrek | 1.800 m |
Lusk tennañ | 500 tenn/mn |
Tizh o vont e-maez | 898 m/s |
Endalc'h | Bandennoù kartouchennoù |
An M2 Browning pe Browning .50 Caliber Machine Gun zo ur vindrailherez ponner savet e 1918 gant John Browning. Tres ar vindrailherez-se a zo bet awenet gant reoù an arm savet gant ar memes ijinour un nebeud bloavezhioù a-raok, ar Browning M1919, a rae gant kartouchennoù .30-06 Springfield. Savet e oa bet diwar goulennoù resis gant an US Army.
An M2 a implij kartouchennoù .50 BMG, kalz galloudusoc'h ha kalz tevoc'h, a oa bet savet er memes mare evit ar vindrailherez, ar pezh en devoa roet e anv d'an arm (BMG evit Browning Machine Gun). Ar stumm kentañ anezhi a oa anvet M1921. Yenaet e veze dre zour, met dre ma oa re bonner ar sistem-se e voe savet warni ur sistem-yenaat dre aer.[1]
Implij
[kemmañ | kemmañ ar vammenn]Implijet e voe da vat gant arme ar Stadoù-Unanet adalek ar bloavezhioù 1930 evel arm a-enep ar c'hirri-nij da gentañ. Montet e voe tamm-ha-tamm war karrbedoù a bep seurt e-pad an Eil Brezel-bed evel an tankoù M4 Sherman, M24 Chaffee, M26 Pershing[2] pe ar bombezerezioù B-29 Superfortress.[3] Implijet e vez gant armeoù all er bed hiziv an deiz c'hoazh, evel en arme c'hall da skouer, war garrbedoù VAB, VBL pe an tank Leclerc.[4]
Anvioù all
[kemmañ | kemmañ ar vammenn]En US Army e vez roet anvioù disheñvel d'an M2 hervez an unvezioù a implij anezhi. Graet e vez a-wechoù Ma Deuce anezhi. An anv ofisiel evit an droadegiezh stadunanat eo Browning Machine Gun, Cal. .50, M2, HB, Flexible.
Skeudennoù
[kemmañ | kemmañ ar vammenn]Daveennoù
[kemmañ | kemmañ ar vammenn]- ↑ (fr) Mc NAB Chris, Armes à feu Encyclopédie visuelle, L'Imprévu, 2022, p.249
- ↑ (fr) FOSS Christopher F., Chars de la 2nde Guerre Mondiale, PML, 1994, 159 p.
- ↑ (fr) Boeing B-29 Superfortress war AviationsMilitaires.net (lennet d'an 23/06/2024)
- ↑ (fr) Mitrailleuse lourde Browning calibre 50 M2 HB war lec'hienn Ministère des Armées (lennet d'an 23/06/2024)