Stroopwafel

Stroopwafel a reer eus gwastilli eus an Izelvroioù. Ijinet eo bet ar stroopwafel e 1784 e Gouda.

Galfrez

Ur bouloudenn toaz lakaet war ur mekanik da boazhañ stroopwafel

Ar sirop a gaver e diabarzh ar stroopwafel

Ar stroopwafel a zo ur wastelenn diazezet war div c'halfrezenn. Etrezo e lakaer sirop karamel.^[1]^,^[2]

An toaz a zo ennañ ur meskaj bleud, amann, sukr rous, goell, laezh ha vioù. Ur wech poazh, hag e-keit m'eo tomm c'hoazh e vez troc'het ar c'halfrezenn e daou. Ar gwarnitur, hag a zo diazezet war sirop, sukr rous, amann ha kanell, a vez lakaet etre an daou damm, hag e pegont neuze an eil ouzh egile.^[1]

Istor

Ar stroopwafel a zeu eus Gouda. Ijinet e voe e dibenn an XVIII^vet kantved^[3] pe e penn-kentañ an XIXvet kantved^[1] gant ur baraer a implijas restachoù toaz, mesket gant sirop. Hervez lod e vije bet ijinet gant ur baraer dianv e 1784.^[3] Hervez lod all e vije bet ijinet gant ar baraer Gerard Kamphuisen, hag en dije fardet ar stroopwafel gentañ etre 1810, pa zigoras e stal vara, ha 1840 : er bloavezh-se e kaver roud ar sekred-kegin stroopwafel koshañ.^[1] En XIXvet kantved e oa war-dro 100 baraer a farde stroopwafel e Gouda, hag er gêr-se nemetken e voe fardet stroopwafel. Goude 1870 e voe fardet stroopwafel e diavaez Gouda. E meur a labouradeg e voe fardet stroopwafel en XX^vet kantved. E 1960 e oa 17 anezho e Gouda, hiziv an deiz e chom peder nemetken.^[1]