Athyrium distentifolium
| |||||
---|---|---|---|---|---|
Athyrium distentifolium | |||||
Classifica scentifica | |||||
Regnu | Plantae | ||||
Divisioni | Pteridophyta | ||||
Classa | Filicopsida | ||||
Ordini | Polypodiales | ||||
Famiglia | Dryopteridaceae | ||||
Genaru | Athyrium | ||||
Nomu binuminali | |||||
Athyrium distentifolium Tausch ex Opiz, 1820 | |||||
Athyrium distentifolium hè una spezia di filetta chì faci parti di a famiglia di i Dryopteridaceae.[1]
Discrizzioni
[mudificà | edità a fonte]L'Athyrium alpestru prisenta un portu à rusetta. I frondi misurani da 30 à 150 cm è sò di culori verdi scuru. Sò rigidi è ani una forma lanceulata, ristrittiti à a basa. Sò divisi dui volti. I divisioni sicundarii pussedini i lobi dintati (i denti sò incurvati o uriintati versu l'estremità di u lobu).
U picciolu hè beddu più cortu ch'è u lembu, hè zeppu è porta numarosi scagli.
I sori, purtati annantu à a faccia infiriori di i frondi, sò tondi.
U periudu di sporulazioni si stendi da lugliu à sittembri. U modu di dissiminazioni hè anemucoru.
Ripartizioni
[mudificà | edità a fonte]L'Athyrium alpestru campa in i stazioni adumbrati o mezu adumbrati è umiti. Si scontra in i piani subalpini : in i furesti muntagnoli (ghjaddichi, faii), i pratulini umiti à arbi alti, l'arici freschi è i zoni umiti rucciosi.
'Ssa filetta affizziuneghja i terri più o menu aciti, mobuli è freschi, fangosi o arzillosi. Ma par u più, si trova annantu à i terri pitricosi.
'Ssa filetta si scontra in tutti i massicci muntosi d'Auropa, ancu in Russia, Scozia è Irlanda. À u liveddu mundiali, stà in i righjoni timparati freti di l'emisferu nordu.
Athyrium distentifolium hè prisenti in Corsica. Si troiva da Monti Cintu insin'à l'Alcudina.[2]
Tassunumia
[mudificà | edità a fonte]Athyrium distentifolium hè ancu cunnisciuta sottu à u nomu scentificu di Athyrium filix-femina subsp. distentifolium. Hè calchì volta cunsidarata com'è una sottuspezia di Athyrium filix-femina, un'antra spezia di filetta. Eppuri, i studii ricenti ani musciatu diffarenzi significativi trà i dui, ghjustifichendu cusì a so classifica distinta. Sinonimi currintamenti usati pà Athyrium distentifolium sò Athyrium distentifolium var. distentifolium è Athyrium distentifolium var. americanum.
Cunsirvazioni
[mudificà | edità a fonte]Athyrium distentifolium hè una spezia rilativamenti cumuna è ùn hè micca cunsidarata com'è essendu in priculu d'estinzioni. Eppuri, certi pupulazioni poni essa minacciati par via di a distruzzioni di u so ambienti naturali, in particulari par via di l'urbanisazioni è di u sfruttamentu furistieri. Hè dunqua impurtanti di prisirvà i zoni induva 'ssa filetta cresci cù u fini di garantiscia a so sopravvivenza à longu andà. Misuri di cunsirvazioni tali a criazioni di riservi naturali è a sinsibilisazioni di u publicu à l'impurtanza di a biudiversità sò escinziali pà assicurà a prutizzioni di Athyrium distentifolium è di u so ecusistema.
Rifarimenti
[mudificà | edità a fonte]- Jeanmonod D. & Gamisans J. (2013) Flora Corsica (2 ed), Edisud.
Noti
[mudificà | edità a fonte]Altri prugetti
[mudificà | edità a fonte]Athyrium distentifolium annantu à Wikimedia Commons.