Litarnu
| |||||
---|---|---|---|---|---|
Rhamnus alaternus | |||||
Classifica scentifica | |||||
Regnu | Plantae | ||||
Classa | Polypodiopsida | ||||
Divisioni | Tracheophyta | ||||
Sottudivisioni | Spermatophytes | ||||
Ordini | Rosales | ||||
Famiglia | Rhamnaceae | ||||
Genaru | Rhamnus | ||||
Nomu binuminali | |||||
Rhamnus alaternus Carl Linnaeus, 1753 | |||||
U litarnu (Rhamnus alaternus) hè una spezia di pianta chì faci parti di a famiglia di i Rhamnaceae.
Discrizzioni
[mudificà | edità a fonte]U litarnu hè un arbustu à casci parsistenti appartinendu à a famiglia di i Rhamnaceae. Pò aghjunghja un'altezza da 2 à 5 metri è prisenta un portu cispugliosu. I so casci sò duri, uvali è lucenti, incù i bordi appena dintati. I fiora, di piccula taglia, sò ragruppati in gaspi è sò di culori giaddu virdicciu. I frutti sò drupi di culori neru à maturità.
Ripartizioni
[mudificà | edità a fonte]U litarnu hè urighjinariu di u bacinu mediterraniu, ind'eddu hè largamenti spartu. Omu u trova in particulari in iSpagna, in Francia, in Italia, in Grecia è in Africa subrana. Cresci par u più in i zoni custieri, i machji è i furesti chjari.
U litarnu hè prisenti è cumunu in Corsica.[1]
Biulugia
[mudificà | edità a fonte]Stu arbustu hè bè adattatu à i cundizioni mediterranii, incù una risistenza à a sicchina è una tullaranza à i terri povari. Prifirisci l'espusizioni assuliati è i terri beddi assiccati. A fiuritura hà locu di branu, da marzu à maghju, è i frutti maturani d'istatina. I drupi sò cunsumati da l'aceddi, chì sparguglieghjani i graneddi.
Tassunumia
[mudificà | edità a fonte]Rhamnus alaternus hè ancu cunnisciutu sottu à i sinonimi siguenti : Rhamnus balearica, Rhamnus balearicus, Rhamnus balearicus var. alaternus, Rhamnus balearicus var. angustifolius, Rhamnus balearicus var. latifolius, Rhamnus balearicus var. macrophyllus.
Esistini dui sottuspezii di litarnu: - Rhamnus alaternus L. subsp. alaternus - Rhamnus alaternus L. subsp. myrtifolia (Willk.) Maire
Lessicu
[mudificà | edità a fonte]U litarnu hè ancu chjamatu u litàrnicu o u litarru.
Rifarimenti
[mudificà | edità a fonte]- Jeanmonod D. & Gamisans J. (2013) Flora Corsica (2 ed), Edisud.
Noti
[mudificà | edità a fonte]- ↑ Jeanmonod & Gamisans (2013).
Altri prugetti
[mudificà | edità a fonte]Rhamnus alaternus annantu à Wikimedia Commons.