Tiwnis Fwyaf
| Math | ardal fetropolitan  |
|---|---|
| Daearyddiaeth | |
| Sir | Tiwnis, Manouba, Ben Arous, Ariana |
| Gwlad |  Tiwnisia |
Rhanbarth ddinesig yng ngogledd-ddwyrain Tiwnisia yw Tiwnis Fwyaf. Yn ogystal â'r brifddinas Tiwnis mae'n cynnwys y maerdrefi cylchynol i'r gorllewin, ac ar lannau gogleddol a deheuol Llyn Tiwnis. Erbyn heddiw mae trefi arfordirol La Marsa a'r gyfres o drefi a phentrefi bach sy'n ffurfio stribyn o dir datblygedig ar lan orllewinol Gwlff Tiwnis - o Sidi Bou Saïd i La Goulette - yn cael eu cyfrif yn rhan o Diwnis Fwyaf hefyd. Yn ogystal mae stribyn arall o drefi ar lan ddeheuol Gwlff Tiwnis yn ffurfio estyniad dwyreiniol i'r ddinas, o Rades i Borj Cedria.
Yr ardal hon oedd 'tir cartref' dinas hynafol Carthago, a safai ar fryn y Byrsa hanner ffordd rhwng La Goulette a Sidi Bou Saïd heddiw. Mae natur y trefi a maerdrefi hyn yn amrywio'n fawr, o ardaloedd preswyl dosbarth gweithiol fel rhannau o Ariana i rai o'r mannau mwyaf breintiedig yn y wlad, fel La Marsa a Carthago. Mae'n cynnwys ardaloedd diwydiannol fel Mégrine a'i gweithfeydd cemegol a Rades i drefi glan môr dymunol fel La Goulette. Amcangyfrir fod tua 1.5 miliwn o bobl (neu hyd at 2 filiwn) yn byw yn yr ardal.
Trefi a phentrefi Tiwnis Fwyaf
[golygu | golygu cod]Yn ogystal â Thiwnis - Ville Nouvelle a Medina Tiwnis - ceir y lleoedd canlynol (o'r de i'r gogledd, yn fras):
- Borj Cedria
- Hammam Lif (Hammam Lemf)
- Ez-Zahra
- Rades
- Mégrine
- Ben Arrous
- Manouba
- Bardo
- Ariana
- Le Bac
- La Goulette
- Khéredine
- El Kram
- Carthago (Salammbô, Byrsa, Dermech, Hannibal, Présidence)
- Sidi Bou Saïd
- La Marsa
- Gammarth