[go: nahoru, domu]

Neidio i'r cynnwys

Dinas Powys (bryngaer)

Oddi ar Wicipedia
Bryngaer Dinas Powys
Mathcaer bentir, bryngaer gyda mannau caeedig Edit this on Wikidata
Daearyddiaeth
SirDinas Powys Edit this on Wikidata
GwladBaner Cymru Cymru
Cyfesurynnau51.4375°N 3.2206°W Edit this on Wikidata
Cod OSST15207160 Edit this on Wikidata
Map

Mae Dinas Powys yn fryngaer fechan o tua 0.08ha, rhyw dair milltir i'r de-orllewin o ddinas Caerdydd a hanner milltir i'r gogledd o bentref Dinas Powys gyda llethrau serth.

Mae'r fryngaer hon yn un o sawl caer yng Nghymru a elwir yn 'ddinas', e.e. Dinas Emrys, Dinas Cerdin; hen ystyr y gair hwnnw yw "caer" ac mae'n enw gwrywaidd mewn enwau lleoedd (ond yn enw benywaidd heddiw).

Disgrifiad

[golygu | golygu cod]

Saif Dinas Powys ar fryn rhyw 200 troedfedd o uchder. Bu cloddio archaeolegol ar y safle rhwng 1954 a 1958. a gwnaed nifer o ddarganfyddiadau diddorol, yn enwedig arteffactau o'r Oesoedd Canol.[1] Cafwyd hyd i olion o ddechrau Oes yr Haearn, o'r 5ed a'r 6g ac o ddiwedd yr 11g.

Y darganfyddiadau o'r bumed a'r 6g yw'r rhai mwyaf diddorol; Dinas Powys yw'r safle bwysicaf o'r cyfnod yma i'w darganfod yng Nghymru hyd yn hyn. Ymhlith y darganfyddiadau roedd darnau crochenwaith o ardal Môr y Canoldir, gwydr o ffynhonnell Diwtonaidd a gwaith metel Celtaidd. Credir fod Dinas Powys yn llys pennaeth neu frenin yn y cyfnod yma. Cafwyd hyd i ddwy adeilad petrual yn mesur tua 7.5m.

Llyfryddiaeth

[golygu | golygu cod]
  • Alcock, Leslie (1963) Dinas Powys: an Iron Age, Dark Age and Early Medieval settlement in Glamorgan (Gwasg Prifysgol Cymru).

Cyfeiriadau

[golygu | golygu cod]
  1. "Gwefan Coflein". Archifwyd o'r gwreiddiol ar 2012-04-01. Cyrchwyd 2010-09-11.