Jakub Žur (1754)
Jakub Žur (nimski Jakob Sauer; roź. 10. julija 1754 w Gniwsecach, wum. 8. maja 1799 w Budyšynje) jo był serbski kapłan a pśiwisnik katolskich rozswětlarjow.
Wón jo se naroźił ako syn bonarja w Gniwsecach pla Budyšyna a jo był wót 1770 do 1775 wuknik Serbskego seminara w Praze, źož jo woglědał wót 1770 do 1772 gymnazium. Wót 1772 do 1775 jo studěrował filozofiju a teologiju. Pó wrośenju do Łužycy jo był wót 1778 do 1785 kapłan nejpjerwjej w Strawałźe a pótom w Radworju. Wót 1785 jo statkował ako kapłan w Budyšynje. W swójich slědnych tśich žywjeńskich lětach jo był wósobinski sekretaŕ biskupa Franca Jurja Loka.
Žur jo wójował w rozswětlańskem zmysle za reformy w katolskej cerkwi na zakłaźe idejow kejžora Jozefa II. a zasajźujo se za pšawa serbskeje rěcy.
Žrědło
[wobźěłaś | žrědłowy tekst wobźěłaś]- Rudolf Kilank: Žur, Jakub. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, b. 651
Literatura
[wobźěłaś | žrědłowy tekst wobźěłaś]- Rudolf Kilank: Franz Georg Lock – Ein Beitrag zur katholischen Aufklärung in der Oberlausitz. (disertacija), Barlin 1970.
- Rudolf Kilank: Listy Jakuba Žura Francej Jurjej Lockej. W: Lětopis A 13/2, Budyšyn 1966, str. 225–238