Universitè ed Bulåggna
| St artéccol qué l é scrétt in bulgnaiṡ | 
|
L'Universitè ed Bulåggna (Alma Mater Studiorum - Università di Bologna in latén e in itagliàn; abreviè in UniBo) l'é n’universitè statèla ch'la s câta int la zitè emiglièna ed Bulåggna, la pió antîga dal månnd uzidantèl[1].
Nonostànt i prémm statût universitèri a têgnen i låur radîṡ int al 1317, dèta dla prémma ediziån cgnusó dal statût dl’Universitè di Gioréssti, durànt dl XI séccol ai êra bèle al Studium, na fiuränta scôla giuréddica.
Int al 1888, na cumisiån capegè da Giosuè Carducci a déss ch'la dèta ufizièl dla sô fundaziån a fóss al 1088, cme i dgêven di prâtic dla stòria dal tänp; quall ch'al é cunsidrè al fundatåur, Irnêri, l é môrt fôrsi dåpp dal 1125.
L'à 79 999 studént (dèt dl ân 2018). Al sô retåur l é dal 1m ad nuänber dal 2015 Żvân Mulèr.