Nudi e felici
C'l artìcul chè 'l è scrit in
Miranduléś |
Nudi e felici | ||
Paul Rudd e la Aniston in na figùra dal film | ||
Nûd e cuntènt 2012 | ||
---|---|---|
Regìa: David Wain | ||
Scritōr: David Wain • Ken Marino | ||
Atōr: Paul Rudd • Jennifer Aniston • Alan Alda Justin Theroux • Malin Akerman • Joe Lo Truglio Ken Marino • Kathryn Hahn • Lauren Ambrose Michaela Watkins • Jordan Peele • Ray Liotta | ||
Müsica: Craig Wedren | ||
Léngua: Ingléś | ||
Dürä dal film: 98 minüt | ||
Nasiōṅ: Stat Unî |
Nudi e felici (Nûd e cuntènt) l'è na cumèdia americàna dal 2012 ad David Wain ch'al l'à anc scrita insém a Ken Marino. Al wanderlust dal tìtul uriginàł 'l è na paròla derivàda da 'l tedésc ch'la s dróa in psiculugìa p'r indicàr al deśidèri 'd andàr da di atri bandi e pascàr quèl àtar rispèt a 'l pòst in du a s è carsû.
Custàda trénta-sinc migliòṅ ad dòlar, la 'n à fat pò sù sōl vint-quàtar.
Sunt
George Gergenblatt (Paul Rudd) e sò mujēr Linda (Jennifer Aniston), dòp avēr cumprâ 'n apartamintèṅ cic in dal quartēr fîg ad West Village a New York, i finìs'n in buléta dòp che lò 'l à pardû 'l lavōr a séguit dna redàda di federài in di ufìsi dal sò cap méntar lē l'è lasàda a cà parchè i sò ducumentàri par la HBO su i pinguèṅ, tròp da la banda dal bèsti e dla natùra, i èṅ scartâ da la respunsàbila dal canàł televiśìṿ. Dimóndi malvluntéra i decìd'n acsè ad dmandàr ajùt e 'n lavōr a 'l fradèl minga tant gustóś ad George, Rick (Ken Marino), ch'al viṿ a Atlànta insém a sò mujēr Marissa (Michaela Watkins) e ch'l à fat i bèsi vindénd di bagn chìmig.
Lung la via par la capitàl dla Geòrgia, i dū i decìd'n ad farmàr-'s in un mutèl par la stufìśia dal viàś dimóndi lung. Lung al caradòṅ ch'al pòrta a la strutùra i Gergenblatt i védan 'n óm ch'al gira tut nûd ad nòt c'n al cas ad fóra e pinsànd „mo in du sém-j-à capitâ?“ i próan a far màrcia indrē ma i finìsan sōl p'r arbaltàr la màchina. 'L óm, Wayne Davidson (Joe Lo Truglio), al i pòrta a 'l intéran dal bed and breakfast, 'l Elysium, na cumùna 'd hippie ad pruprietà 'd un vèć ciamâ Carvin (Alan Alda). Custrét a 'rmàgnar lè, la còpia la dmanda na cambra par pasàr la nòt.
La matìna dòp, jutâ p'r al santòṅ Seth (Justin Theroux) e p'r i àtar mémbar dla cumunità a prilàr la màchina, la Linda e George i partìsan p'r andàr da sò fradèl ma, p'r al via dal litgàdi cuntìnui, i decìdan pò 'd turnàr a la cumùna in du a s fà 'l amōr lìbar, a n s fà minga afidamènt a la tecnulugìa e a s viṿ tut insém in paś c'n al bèsti e la natùra. Al prubléma l'è che soquànt speculadōr i vrévan vèrar lè 'n caśinò esénd ch'al sit 'l è cuntéś fra lōr e Carvin che, p'r al fat 'd ès'r un pôc tarulî in dla suca, al s è daśmindgâ in du 'l àppia ficâ 'l rògit.