Apocalypse Now
C'l artìcul chè 'l è scrit in
Miranduléś |
Apocalypse Now | ||
Martin Sheen in na figùra dal film | ||
L'Apucalìs l'è adès 1979 | ||
---|---|---|
Regìa: Francis Ford Coppola | ||
Scritōr: Joseph Conrad • Michael Herr Francis Ford Coppola • John Milius | ||
Atōr: Marlon Brando • Martin Sheen • Scott Glenn Robert Duvall • Harrison Ford • Dennis Hopper Sam Bottoms • Albert Hall • Marc Coppola Frederic Forrest • Bo Byers • Kerry Rossall Herb Rice • Laurence Fishburne • R. Lee Ermey | ||
Müsica: Carmine Coppola • Mickey Hart Francis Ford Coppola • The Doors | ||
Léngua: Ingléś • Francéś • Vietnaméś • Khmer | ||
Dürä dal film: 197 minüt | ||
Nasiōṅ: Stat Unî |
Apocalypse Now (L'Apucalìs l'è adès) 'l è 'n film ad guèra dal 1979 ad Francis Ford Coppola ch'al tōś ispirasiòṅ libra da 'l rumànś “Cuore di tenebra” ad Joseph Conrad. 'L à vins la Palma 'd òr a 'l 32śum Fèstival ad Cannes e dū Prèmi Òscar, par la futugrafìa e p'r al sunôr. In dal 2001 al regìsta 'l à fat vgnir fóra na versiòṅ dimóndi ślungàda ad cla pelìcula chè da 'l tìtul Apocalypse Now Redux.
'L à muciâ sù sènt-sinquànta migliòṅ ad dòlar in tut esénd-an custâ trènt'òṅ e mèś. In dla culòna sunóra a s càta anc al braṅ The End di Doors.
Sunt
'L uficiàl d'l eśèrcit americàṅ, al capitàṅ Benjamin L. Willard (Martin Sheen), al s cata a Saigòn in Vietnam par na misiòṅ speciàla su incàrag dal generàł Corman (G.D. Spradlin) e dal culunèl Lucas (Harrison Ford): un viàś lung al fiùm Nung in Cambògia par catàr e cupàr al culunèl Walter E. Kurtz (Marlon Brando), da dimóndi tèmp diśertōr e dvintâ mat in cal mént'r a s pōl dar. Al prubléma 'l è ch'al cmand' anc na sò legiòṅ in dla furèsta, cuma 'n sgnōr dla guèra, e 'l uficiàł di còrp speciài Richard M. Colby (Scott Glenn) 'l è pasâ da la sò banda.
Benjamin al partìs acsè insém a George Phillips (Albert Hall), al capitàṅ dla barca, a 'l surfer dla Califòrgna Lance B. Johnson (Sam Bottoms), a Tyrone Miller dit "Clean" (Laurence Fishburne) e a Jay Hicks (Frederic Forrest) ch'al vrév dvintàr un cōg di prim. Al grup al riva pò in dla śòna sóta cuntròl dal tenènt culunèl William Kilgore (Robert Duvall). Lò e i sò óm i tàc'n a bumbardàr un vilàǵ ad vietcong darènt a la spiàgia méntar la barca la vèṅ purtàda via in elicòtar.