Bjorn Fratangelo
C'l artìcul chè 'l è scrit in
Miranduléś |
Bjorn Fratangelo (Pittsburgh, 19 ad Luj dal 1993) 'l è 'n tenìsta americàṅ. Al dróa al bras dèstar e al tira 'l arvèrs a dū maṅ.
In dla sò caréra Bjorn, ch'l à tòlt al nóm da 'l campiòṅ ad tènis śvedéś Björn Borg, 'l à vins al turnèo dal Roland Garros di śōvan dal 2011 cóntar Dominic Thiem batû par 3-6 6-3 8-6.
'L è stâ bòṅ ad rivàr a la puśisiòṅ nùmar 166 dal ranking al 23 ad Mars dal 2015 e ad vìnsar òt tìtui Features (òṅ anc a Sasōl in dal 2014) e òṅ ad qvéi Challengers a Launceston in dal 2015 baténd al cureàṅ Hyeon Chung par 4-6 6-2 7-5.
Caréra
Al tenìsta uriginàri dla Pennsylvania al taca a pistàr i camp dal sircùit ITF in dal 2009. Al śōga la sò prima finàla Features in dal 2011 a Pittsburgh ma al pèrd in dū sét da Brian Baker. In dal 2011 i gh dànan na carta salvàdga p'r al qualificasiòṅ a gl'US Open ma lò al n li pasa minga. In dal 2015 al próa a far-'l anc in dal turnèo ad Miami ma al pèrd a 'l secónd tùran a 'l tie-break dal tèrs sét par 9 punt a 7 cóntar Borna Ćorić.