Bob Dylan
C'l artìcul chè 'l è scrit in
Miranduléś |
Robert Allen Zimmerman, cgnusû méj c'n al nóm 'd art ad Bob Dylan (Duluth, 24 ad Maǵ dal 1941, a s lèś [bɑb ˈdɪlən] in ingléś), 'l è 'n cantaṿtōr e sunadōr americàṅ mo anc scritōr, puvéta, atōr, pitōr, scultōr e cuntutōr rediufònig.
In dla sò caréra, ch'l'à ciapâ 'l vōl in di an Ssanta specialmènt in dal camp dal folk-rock e di muimènt cuntestatàri, 'l è stâ bòṅ ad vìnsar un Grammy Award in dal 1991, un Polar Music Prize in dal 2000, un Prèmi Òscar dal 2001 par la canta Things Have Changed da lò fata p'r al film Wonder Boys, un Prèmi Pulitzer in dal 2008 e al Prèmi Nobel par la literadùra dal 2016.
Tacànd da 'l 1962 'l à fat vgnir fóra da piò ad ssanta àlbum in du lò 'l cantàva e 'l sunàva la chitàra, al piàṅ e 'l urganèṅ.
Fra i sò pès più famóś a 'rcurdém Blowin' in the Wind, Masters of war, Mr Tambourine man, The times they are a changin’, Like a rolling stone, Ballad of a thin man, Desolation Row, All along the watchtower, Just like a woman, Knocking on heaven's door, Tangled up in blue e Hurricane.
La rivìsta Rolling Stone la 'l à mis a 'l secónd pòst dla lista di sènt mijōr artìsta, a 'l sètim in qvéla di sènt cantànt più braṿ e a 'l prim pòst in dla lista di sènt cantaṿtōr mijōr.