Culture Beat
C'l artìcul chè 'l è scrit in
Miranduléś |
I Culture Beat i èṅ un grup muśicàl tedésc fundâ in dal 1989 cgnusû in d'l àmbit dl'eurodance. I gh'àṅ abû un bèl sucès specialmènt cun al disc Serenity e i sìngui Mr. Vain e Got to get it, vindénd a gnir a 'dès da piò ad déś migliòṅ ad disc.
Biugrafìa
Al grup al nas par caś in dla discutéca Dorian Gray quànd al dj Torsten Fenslau, ch'al gh lauràva dèntar, al mét insém la cantànta Lana Earl (cgnusùda anc cuma Lana E), al chitarìsta Juergen Katzmann e al tasterìsta Peter Zweier. 'L è al 1989 e prim sìngui i èṅ Der Erdbeermund (Cherry Lips) e I Like You e Tell Me That You Wait, mis pò dèntar a 'l àlbum Horizon.
Ma 'l è cun al secónd disc dal 1993 (Serenity) ch'al grup al sfónda dabòṅ, cun di pès quài Mr. Vain (prim pòst praticamènt dapartùt in Europa), Got to get it, Anything e World In Your Hands. A la vóś dū nuità: la cantànta Tania Evans e al rapper Jay Supreme. Purtròp p'r al grup, al prudutōr Torsten Fenslau al mōr in 'n incidènt in màchina a Messel a sōi 29 an. Sò fradèl Frank al decìd però 'd andàr avànti listés.
Dū an dòp a véd la luś Inside out, 'n àtar sucès internasiunàl, cun i braṅ Crying In the Rain, Take Me Away, Walk The Same Line e la title track a far-la da pardòṅ.
In dal 1997 Frank al decìd ad cambiàr la cantànta Tania cun la Kim Sanders e anc Jay Supreme al s fà da na banda. Al 16 ad Favràr dal 1998 a vèṅ fóra al sìngul Pay No Mind, méntar al disc nóṿ Metamorphosis 'l è in di negòsi in Istâ. Ma al ròbi i n vaṅ minga tant bèṅ, gnanc cun al secónd sìngul Rendez-Vous.
In dal 2000 a véd la luś na racòlta ad sucès (Best Of Culture Beat). Cun na nóva cantànta a la vóś (Jacky Sangster), i Culture Beat i tórnan a far dal canti cun al sìngul Insanity (nùmar òṅ in Iśraél). 'N àtar braṅ a vèṅ pò fóra in dal Maǵ dal 2008, Your Love.
Discugrafìa
Sìngui
- 1989 - Der Erdbeermund
- 1989 - Les Levres Cerises
- 1989 - Der Erdbeermund (Remix)
- 1990 - Cherry Lips
- 1990 - I Like You
- 1990 - I Like You (Two Brandnew Remixes)
- 1991 - Tell Me That You Wait
- 1991 - Tell Me That You Wait (The Remixes)
- 1991 - No Deeper Meaning
- 1991 - No Deeper Meaning (Mixes)
- 1991 - No Deeper Meaning (Remixes)
- 1993 - Mr. Vain
- 1993 - Mr. Vain (Remix)
- 1993 - Got To Get It
- 1993 - Got To Get It (Remix)
- 1993 - Anything
- 1993 - Anything (Remix)
- 1993 - World In Your Hands
- 1994 - World In Your Hands (Remix)
- 1994 - Culture Beat DMC...Megamix (Promo)
- 1994 - Adelante!
- 1995 - Inside Out
- 1995 - Inside Out (Remix)
- 1996 - Crying In The Rain
- 1996 - Crying In The Rain (Remix)
- 1996 - Take Me Away
- 1996 - Take Me Away (Remix)
- 1996 - Walk The Same Line
- 1996 - Walk The Same Line (Remix)
- 1998 - Pay No Mind
- 1998 - Cherry Lips (feat. Jo Van Nelsen)
- 1998 - Rendez-Vous
- 1998 - Have Yourself A Merry Little Christmas (Promo)
- 1998 - You Belong
- 2000 - Mr. Vain 2000 (White Label)
- 2001 - Insanity
- 2003 - Mr. Vain Recall
- 2004 - Can't Go On Like This (No, No) (Promo)
- 2008 - Your Love
Àlbum e Racòlti
- 1991 Horizon
- 1993 Serenity
- 1994 The Remix Album
- 1995 Inside Out
- 1998 Metamorphosis
- 2000 Best Of Culture Beat
Culegamènt estéran
- (EN) Al sò sit uficiàl
- (EN) Al vìddeo ad Mr. Vain in sal YouTube
- (EN) Al vìddeo ad Got To Get It in sal YouTube
- (ES) Al vìddeo 'd Adelante! in sal YouTube
- (EN) Al vìddeo ad Crying In The Rain in sal YouTube
- (EN) Al vìddeo 'd Inside Out in sal YouTube
- (EN) Al vìddeo ad Walk The Same Line in sal YouTube
- (EN) Al vìddeo 'd Anything in sal YouTube