Chinatown (film)
C'l artìcul chè 'l è scrit in
Miranduléś |
Chinatown | ||
Nicholson e la Dunaway in na figùra dal film | ||
Quartēr di cinéś 1974 | ||
---|---|---|
Regìa: Roman Polański | ||
Scritōr: Robert Towne | ||
Atōr: Jack Nicholson • Faye Dunaway John Huston • Perry Lopez • John Hillerman Roy Jenson • Richard Bakalyan • Joe Mantell Diane Ladd • Jerry Fujikawa • Bruce Glover | ||
Müsica: Jerry Goldsmith | ||
Léngua: Ingléś • Cinéś • Spagnōl | ||
Dürä dal film: 125 minüt | ||
Nasiōṅ: Stat Unî |
Chinatown (Quartēr di cinéś) 'l è 'n film noir dal 1974 ad Roman Polański girâ c'n budget ad siē migliòṅ ad dòlar a 'l incìrca. Al 'n à muciâ sù da piò ad vint-nóṿ.
Al film, ch'al gh'à abû 'n séguit in dal 1990 da 'l tìtul Il grande inganno, 'l è stâ numinâ p'r ùndas Prèmi Òscar, vinsénd qvél par la senegiadùra uriginàla ad Robert Towne. In dal 1991 i americàṅ i aṅ decìś ad tgnìr-al dacàt in dla bibliutéca dal cungrès di Stat Unî.
Sunt
In dla Los Angeles dal 1937 'l investigadōr Jack Gittes (Jack Nicholson), dit “J.J.”, al ciàpa di bèsi da na dóna, ch'la gh diś ad ciamàr-as Evelyn Cross Mulwray, par védar s'l'è véra che sò marè Hollis (Darrell Zwerling), inśgnēr ch'al tîṅ adrē a 'l Dipartimènt par l'àqua e l'energìa lètrica dla sità, al gh mét i còran. Gittes al gh và acsè adrē e al vèṅ a savēr che lò al s éra mis cónt'r a 'n prugèt 'd un baśèṅ ìdric nóṿ. Stand lugâ, Jack 'l al tira śò cun la màchina futugràfica méntar 'l óm 'l éra insém a n'atra dóna. Al foto i finìsan pò in si giurnài.
Turnâ in ufìsi, 'l investigadōr 'l incóntra la sgnōra Mulwray, qvéla véra (Faye Dunaway), e al capìs che 'n qualchidòṅ al gh l'à cun Hollis, giusà 'l parchè. 'L óm al vrév andàr a dascórar sèg ma a n è mia pusìbil parchè 'l inśgnēr al vèṅ catâ fugâ da 'l tenènt Lou Escobar (Perry Lopez). Jack 'l è parsuàś ch'a s trata 'd 'n umisìdi e al gh vōl andàr a fónd. L’Evelyn la gh dà na maṅ.