Identikit di un delitto
C'l artìcul chè 'l è scrit in
Miranduléś |
Identikit di un delitto | ||
L'Avril Lavigne in na figùra dal film | ||
Identikit 'd un delìt 2007 | ||
---|---|---|
Regìa: Wai-Keung Lau • Niels Mueller | ||
Scritōr: Craig Mitchell • Hans Bauer | ||
Atōr: Richard Gere • Claire Danes • Avril Lavigne KaDee Strickland • Ray Wise • Russell Sams | ||
Müsica: Guy Farley | ||
Léngua: Ingléś | ||
Dürä dal film: 105 minüt | ||
Nasiōṅ: Stat Unî |
Identikit di un delitto (Identikit 'd un delìt) 'l è 'n thriller americàṅ dal 2007 'd Wai-Keung Lau che però 'l à mulâ incòśa in faś ad muntàǵ parchè al s éra quistiunâ cun qvéi dla prudusiòṅ. La pelìcula l'è stada acsè giustàda e cambiàda dòp faghénd vgnir fóra n'òpra difarènta e più murbóśa ch'la n éra minga piaśùda a 'l prutagunìsta Richard Gere ch'l à pruâ in na quàlc manéra, tirànd fóra di bèsi suo, a 'rmétar-la cumpàgna a la prima versiòṅ par qvél ch'l à psû.
Custâ trénta-sinc migliòṅ ad dòlar, al film al 'n à pò fat sù sèt a 'l incìrca.
Sunt
'L agìnt dal dipartimènt ad sicurésa pùblica Erroll Babbage (Richard Gere) al gh'à 'l còmpit ad tgnir 'd òć i malnét visióś viulentadōr cundanâ par di crìmin sesuài dòp ch'i èṅ stâ mis lìbar, ch'in di Stat Unî a gh 'n è 'n castîg. Adès ch'l è lè lè p'r andàr in pensiòṅ, e dòp na caréra dimóndi pēśa ch'la 'l à devastâ dèntar, Erroll al s dà da far p'r insgnàr al mistēr a qvéla ch'la gh'à da tōr al sò pòst, l’Allison Lowry (Claire Danes).
Quànd a sparìs na ragàsa 'd quìnd'ś an ciamàda Harriet Wells (Kristina Romero), 'l óm 'l è sicûr ch'i 'l àppian ciapàda di purcùs sàdig p'r i sò śuglèṅ e 'l s mét in tèsta 'd catàr-la a tut i cóst.