Le cose che so di lei
C'l artìcul chè 'l è scrit in
Miranduléś |
Just by Looking at Her | ||
Le cose che so di lei | ||
La Valeria Golino in na figùra dal film | ||
Al ròbi ch'a sò 'd lē 2000 | ||
---|---|---|
Regìa: Rodrigo García | ||
Scritōr: Rodrigo García | ||
Atōr: Glenn Close • Cameron Diaz • Kathy Baker Holly Hunter • Amy Brenneman • Valeria Golino Calista Flockhart • Matt Craven • Gregory Hines | ||
Müsica: Edward Shearmur | ||
Léngua: Ingléś | ||
Dürä dal film: 109 minüt | ||
Nasiōṅ: Stat Unî |
Le cose che so di lei (Al ròbi ch'a sò 'd lē) 'l è 'n film dramàtic dal 2000 scrit e dirèt par Rodrigo García. 'L è stâ preśentâ a 'l 53śum Fèstival ad Cannes in du 'l à vins in dla sesiòṅ „Un Certain Regard“.
La pelìcula la mét insém sinc segmènt ingatiâ, ambintâ tut in dla val ad San Fernànd in Califòrgna.
Sunt
La Kathy Faber (Amy Brenneman) l'è na detective ch'la gh'à da far luś su la mòrt dna dóna (Elpidia Carrillo) ch'l'è stada catàda mòrta, a gh'è da védar s'l'è stada masàda o s'la s è tòlta la vita da par lē. In cal méntar la ginecòluga Elaine Keener (Glenn Close), ch'la gh'à na màdar vècia (Irma St. Paule) da tgnir-'g adrē, la ricév in cà sua na cartumànt ciamàda Christine (Calista Flockhart) ch'la gh lèś al carti. La ragàsa la gh diś ch'la n è minga cuntènta e ch'la patìs dimóndi, che da quànd la s è divìśa da sò marè la n gh'à piò di amìg, ma che prèst la cgnusrà 'n óm più śōvan. Ma anc la Christine la gh'à di prubléma in dla sò vita parchè la sò muróśa, la Lilly (Valeria Golino), la gh'à 'n brut mâł e 'l è fàcil ch'la pòsa murìr.
La Rebecca Waynon (Holly Hunter) a trénta-nóṿ an l'à fat caréra, adès l'è a cap dna banca, ma la gh'à sōl dal stòri basta ch'a sia cun di óm spuśâ, cuma cun Robert (Gregory Hines) o Walter (Matt Craven), impiegâ dla sò filiàł cun na putìna òrba da crésar. Quànd la Rebecca la s rénd cònt ad spetàr un fiōl da Robert, la decìd 'd aburtìr anc se quàla lè la prév èsar la sò ultma ucaśiòṅ par dvintàr màdar. Na barbóna ciamàda Nancy (Penelope Allen) prima la gh admànda 'l sigaréti, pò la gh diś ch'la n è minga bòna 'd amàr, che 'l amōr al s dà, a n s al dmanda minga.
La Rose (Kathy Baker) l'è divìśa e 'd mistēr la scriv di lìbar par putèṅ. La gh'à 'n ragasōl 'd quìnd'ś an, Jay (Noah Fleiss), ch'al gh cunfèsa 'd avēr fat sès cun na sò amìga ch'l'andàva sèmp'r adrē, un fat ch'al la squàsa minga pôc. La dóna, in cal méntar, la s è inamuràda a sò vòlta 'd un nâṅ ch'l è andâ a star in dla cà darènt la sua, Albert (Danny Woodburn).
La surèla dla Kathy la s ciàma Carol (Cameron Diaz), l'è òrba e la viṿ sèg. Tut al sò stòri i finìsan prèst, adès l'à tacâ a 'ndàr fóra cun Walter ma la capìs subìt che lò 'l è sōl un femnàr.