Slevin - Patto criminale
C'l artìcul chè 'l è scrit in
Miranduléś |
Slevin - Patto criminale | ||
Ben Kingsley in na figùra dal film | ||
Slevin - Pat criminàł 2006 | ||
---|---|---|
Regìa: Paul McGuigan | ||
Scritōr: Jason Smilovic | ||
Atōr: Josh Hartnett • Bruce Willis • Lucy Liu Morgan Freeman • Ben Kingsley • Stanley Tucci Michael Rubenfeld • Danny Aiello • Sam Jaeger Dorian Missick • Peter Outerbridge • Corey Stoll | ||
Müsica: J. Ralph | ||
Léngua: Ingléś | ||
Dürä dal film: 110 minüt | ||
Nasiōṅ: Stat Unî • Régn Unî • Germàgna • Cànada |
Slevin - Patto criminale (Slevin - Pat criminàł) 'l è 'n thriller 'd asiòṅ dal 2006 ad Paul McGuigan.
Custâ vint-sènt migliòṅ ad dòlar, al film al 'n à fat pò sù praticamènt da piò 'd utànta-tri, sinquànta-siē a 'l cìnema, al rèst in dal marcâ d'l home video.
Sunt
Max (Scott Gibson) al vîṅ a savēr ch'in d'l ipòdrum 'd Acqueduct a gh sarà na cursa 'd càvai trucàda esénd ch'una dal bèsti l'è stada dupàda par vìnsar. Catànd-'s in buléta, 'l óm al decìd ad dmandàr in prèst di bèsi a di strusèṅ par scumétar ma purtròp al sò cavàl al mōr durànt la gara e i creditōr i gh la faṅ pagàr masànd lò, sò mujēr e sò fiōl pìcul. Cla stòria chè l'è cuntàda vint an dòp da 'n tisi misterióś (Bruce Willis) a 'n viaśadōr (Sam Jaeger) a la stasiòṅ di àutubus prima 'd scavśàr-ag 'l òs dal còl sénsa gnanc un mutìṿ.
In cal méntar, da n'atra banda dla sità, un śōvan ciamâ Slevin Kelevra (Josh Hartnett) al và a catàr Nick Fisher, un sò amìg ch'al gh'iva śibî na cambra parchè cà sua l'è da giustàr esénd pîna 'd tèrmuli. Chi lò però al n gh'è mia. Dòp avēr cgnusû la Lindsey (Lucy Liu), na ragàsa ch'la stà lè darènt e ch'la lavóra a 'l ubitòri, Slevin al ricév la vìśita 'd dū delinquènt, Lento (Mykelti Williamson) e Elvis (Dorian Missick), ch'i lavóran p'r un gangster ch'al s fà ciamàr „Al Boss“ (Morgan Freeman). Chi lōr i péscan Nick e i crédan 'd avēr-al catâ in Slevin ch'al stà in dal sò apartamènt e ch'al n gh'à minga i ducumènt sèg parchè fargâ da 'n làdar prima. Al śuvnòt al vîṅ purtâ via da 'l Boss ch'al gh diś ch'al vansa da lò dagnóra sènt-mila dòlar e che, s'al n vōl briśa murìr, al gh'à da far un lavursèṅ par lò, qvél ad masàr al fiōl 'd un delinquènt sò rivàł, 'n ebrèj cgnusû da tut cuma „Al Rabèṅ“ (Ben Kingsley), parchè lò 'l iva fat àtar tant c'n al suo. Cal ragàs là al s ciàma Yitzchok (Michael Rubenfeld) e 'l è 'n fnòć che tut i aṅ batśâ cuma „La Fatìna“. Cuma s'a n fus minga abàsta, anc i óm dal rabèṅ i al ciàpan dmandànd-ag indrē di bèsi ch'l iva dâ in prèst a Nick.
In séguit a salta fóra che 'l óm masâ in stasiòṅ 'l éra pròpria Nick e ch'al sò sasèṅ 'l è 'n mercenàri ch'al s fà ciamàr „Mr. Goodkat“ e ch'al lavóra p'r al Boss' mo anc p'r al Rabèṅ.