Vibrio vulnificus
C'l artìcul chè 'l è scrit in Miranduléś |
Al Vibrio vulnificus 'l è 'n batēr gram-negatìṿ dal gènar vibrio a fórma 'd bastunsèṅ ch'al viṿ in di ambînt marèṅ cuma di estuàri, bòri salmàstri e 'l còsti[1]. 'L è imparentâ c'n al batēr ch'al fà vgnir al coléro[2] e 'l è cgnusû anc cuma „batēr magna-carna“.
'L è fàcil bcàr-'s-al magnànd di frut ad mâr minga còt bèṅ o andànd a far un bagn cun dal fridi o di taj adòs. In dal prim caś in dal gir ad 16-38 óri[3] al batēr al fà vgnir al caghét, ingòsa e gòmit, in dal secónd al fà marsìr in présia par necróśi tut i mùscui in du al s è insfilsâ, ślargànd-as pò a màcia 'd òli. A s trata 'd un mâł dimóndi periculóś[4] ch'al pōl purtàr a la mòrt in dla mità di caś a 'l incìrca, specialmènt s'a s gh'à dal diféśi imunitàri arbasàdi[5], dònca 'l è impurtànt tacàr subìt na terapìa cun di antibiòtig.
Culegamènt estéran
- Wikimedia Commons contiene file multimediali su Vibrio vulnificus
Nòti
- ↑ Chi al nóda in di àqui libri è'l a risć 'd infesiòṅ da di batēr magna-carna? Camping Outdoor
- ↑ L'Apucalìs la riva da 'l mâr: ucéan oramàj infèt. Ca'l chè qvél ch'a risćém Secolo d'Italia, 10 ad Setémbar dal 2016
- ↑ Al batēr sasèṅ dal spiàgi Pupular Science, 22 ad Śugn dal 2015
- ↑ Uragàṅ Harvey, dóna mòrta p'r i batēr “magna-carna” Il Giornale, 1 'd Utóbar dal 2017
- ↑ Batēr magna-carna murtài catâ in di àqui dal mâr. 85 ricóvar e 35 mòrt: ”Òcio a qvél ch'a magnâ” Rete News 24, 30 ad Luj dal 2014