Catherine Howard
Catherine Howard | ||
---|---|---|
Reĝedzino de Anglio | ||
Persona informo | ||
Catherine Howard | ||
Naskonomo | Catherine Howard | |
Naskiĝo | verŝajne 1523 en Lambeth, Londono | |
Morto | 13-an de februaro 1542 en Turo de Londono, Londono | |
Mortis pro | Mortpuno | |
Mortis per | Senkapigo | |
Tombo | Preĝejo Sankta Petro ad Vincula | |
Lingvoj | angla vd | |
Ŝtataneco | Reĝlando Anglio | |
Subskribo | ||
Familio | ||
Dinastio | Howard family vd | |
Patro | Lord Edmund Howard (en) | |
Patrino | Joyce Culpeper (en) | |
Gefratoj | Sir George Howard (en) | |
Edz(in)o | Henriko la 8-a de Anglio | |
Parencoj | Anne Boleyn (patrofrata kuzo) Maria la 1-a (duonfilino) Elizabeto la 1-a (duonfilino, second niece (en) Eduardo la 6-a (duonfilo) Thomas Culpeper (en) | |
Profesio | ||
Okupo | edz(in)o de monarĥo honordamo | |
vd | Fonto: Vikidatumoj | |
Catherine HOWARD (inter 1520 kaj 1525 - la 13-an de februaro 1542) estis la kvina edzino de Henriko la 8-a kaj la kuzino de lia dua edzino Anne Boleyn.
Vivo
[redakti | redakti fonton]Catherine estis la filino de Lord Edmund Howard, kaj la nepino de la dua Duko de Norfolk kaj tial estis la kuzino de Anne Boleyn (ŝia patro estis la frato de la patrino de Anne Boleyn - Elizabeth Howard - ambaŭ gefratoj de Thomas Howard, la 3-a duko de Norfolk). Ŝia patro ricevis postenon en Calais en 1531 kaj Catherine estis sendita por loĝi en la hejmo de ŝia vicavino la Dukino de Norfolk. La dukino prizorgis domegon kun multaj servistoj kaj konuloj kaj pasigis la plej grandan parton de sia tempo en la reĝa kortego, tio estas la kialo kial Catherine kreskis sole kun preskaŭ neniu superrigardo de ŝia avino koncerne ŝiajn studojn kaj trejnadon kiel filino de supra klaso kaj nobela familio. Ŝi estis preskaŭ analfabeta. dek unu aŭ dek du jaraĝa, Catherine komencis amaferon kun Henry Mannox, kiu instruis ŝin ludi muzikon. La afero finiĝis kiam Catherine enamiĝis al juna sekretario nomita Francis Durham. Ili iĝis amantoj, kaj multaj sciis pri kio okazas en la litoĉambro nokte. La afero finiĝis kiam en 1539 Catherine supozis sian rolon kiel kunulo de Anne de Kleve, la kvara edzino de Henriko la 8-a.
En la reĝa kortego, Catherine renkontis la filinon de Henriko la 8-a, Maria la 1-a, Reĝino de Anglio, tiam princino, kaj iĝis ŝia amikino.
Katerino, juna kaj ege bela, rapide altiris la atenton de la Reĝo, precipe pro tio, ke li malamis lian edzinon kaj eĉ konfesis, ke li ne povis plenumi ilian geedziĝon. Henriko disiĝis de Anne en julio 1540, kaj tuj geedziĝis kun Catherine kiel lia kvina edzino.
Henriko, ŝajne, reviviĝis post sia geedziĝo kaj komencis denove ellitiĝi frue kaj iri al ĉasado, kaj ankaŭ komencis manĝi malpli por plaĉi al lia juna novedzino. Sed Katerino, kiu estis adoleskulino, ne povis senkulpigi sin al edzo, kiu estis tridek du jarojn pli aĝa ol ŝi, terure dika, kiu havis malfermitan vundon ĉe la kruro, kiu fiodoriaĉis kaj putriĝis. En sia senkulpeco Catherine turnis sin al amantoj. Ŝi komencis amaferon kun Thomas Culpeper, unu el la kunuloj de Henriko kiu ankaŭ estis ŝia kuzo (ĉe la flanko de ŝia patrino). La du estis helpitaj fare de Damo Rochford (la vidvino de George Boleyn, la frato de Anne kiu estis ekzekutita rilate akuzojn de malfidelo kun lia fratino), kaj ŝi ŝteliris Culpeper al la litoĉambro de la reĝino tiom kiom eblis.
Kun la tempo, la detaloj de la malĉasta infanaĝo de Catherine komencis aperi, kaj enketo komenciĝis. En la sama tempo, Catherine akceptis Durham kiel ŝian privatan sekretarion, io kiu igis ŝin suspektinda post kiam la amafero inter ili estis rivelita. Catherine estis arestita kaj metita sub hejmareston. Post streĉa enketo oni malkovris ke Catherine perfidis la Reĝon kun Culpeper kaj ŝi estis sendita al la Turo de Londono kie ŝi atendis sian proceson. Catherine estis trovita kulpa de adulto kaj ŝtatperfido kontraŭ la Reĝo, kaj estis ekzekutita la 13-an de februaro 1542. Kune kun ŝi, Damo Rochford, Francis Durham kaj ŝia amanto Culpeper estis ekzekutitaj.
Referencoj
[redakti | redakti fonton]Eksteraj ligiloj
[redakti | redakti fonton]- Letero de Catherine Howard al Thomas Culpeper
- PBS Six Wives of Henry VIII (Ses Edzinoj de Henriko la 8-a), kiu priskribas la morton de Catherine
- Teri Fitzgerald, All that Glitters: Hans Holbein's Lady of the Cromwell Family Arkivigite je 2021-04-15 per la retarkivo Wayback Machine
- Teri Fitzgerald, Catherine Howard and the Cromwells
- Originalaj bildoj de la Ago koncerne al la atendulo (Attainder) de la lasta Reĝino Katharine kaj ŝiaj kompliculoj