Dorsosako
Etoso
Dorsosako estas ujo el ŝtofo, mola plasto (nilono aŭ pvc) aŭ el ledo (nuntempe nur pro modaj kialoj), kiun oni portas helpe de rimenoj sur la dorso. Malpezaj dorsosakoj estas portataj nur per la ŝultraj rimenoj, plej pezaj havas aldonan talirimenon por porti ne nur per la ŝultroj sed ankaŭ per la koksoj.
La plej malnova tipo de dorsosako estis portilo, kie nur malferma kadraĵo el ligno aŭ nuntempe metalo estis fiksita al la rimenoj. La plej malnovan tian dorsosakon oni trovis kun la glacihomo Ötzi el la neolitiko (ŝtonepoko), ĉirkaŭ 3300 a.K. en la Alpoj.