Pasado de Merkuro elde Venuso

Reviziita versio de ĉi tiu paĝo, aprobita je 15 jun. 2024, estis bazita sur ĉi tiu versio.

Pasado de Merkuro vidita elde Venuso okazas, kiam Merkuro pasas ekzakte inter Suno kaj Venuso. Dum la pasado, Merkuro aperus kiel nigra punkto sur la suna disko por hipoteza venusa observanto, kiu kapablus vidi Sunon tra la venusa atmosfero.

La fenomeno estas kompreneble neobservebla de Tero, ĉar la malpliigo de la suna lumo sur Venuso estas nemezurebla.

La pasadoj de Merkuro elde Venuso okazas grupope : dum periodo de ĉirkaŭ kvarono de jarcento, okazas po inter sep kaj naŭ pasadoj, kaj sur sekva kvarono da jarcento neniu okazas. Sed sur longa periodo, iliaj ofteco estas pli granda ol tiu de la pasadoj de Merkuro elde Tero.

La sinodika periodo de Merkuro rilate al Venuso estas 144,5662 tagoj, kaj la inklinacio de merkura orbito rilate al Venuso estas 4,33°, do malpli ol rilate al la tera ekliptiko.

Datoj

Estintaj kaj estontaj pasadoj de Merkuro elde Venuso^[1].

Rimarku la alternon de periodoj kun kaj sen pasadoj. Alia strangaĵo estas ke granda nombro da pasadoj okazas duope, disigataj de ekzakte kvar teraj jaroj.

la 22-an de marto 1894, la 21-an de marto 1898, la 6-an de oktobro 1899, la 6-an de oktobro 1903, la 22-an de aprilo 1905, la 20-an de aprilo 1909, la 4-an de novembro 1914, la 20-an de majo 1920,
la 28-an de oktobro 1950, la 27-an de oktobro 1954, la 13-an de majo 1956, la 12-an de majo 1960, la 25-an de novembro 1965, la 11-an de junio 1971, la 25-an de decembro 1976,
la 17-an de novembro 2005, la 4-an de junio 2007, la 3-an de junio 2011, la 18-an de decembro 2012, la 17-an de decembro 2016, la 2-an de julio 2022, la 16-an de januaro 2028, la 1-an de aŭgusto 2033,
la 24-an de junio 2058, la 24-an de junio 2062, la 9-an de januaro 2064, la 8-an de januaro 2068, la 25-an de januaro 2069, la 23-an de julio 2073, la 6-an de februaro 2079, la 22-an de aŭgusto 2084,

Vidu ankaŭ

Notoj kaj referencoj

↑ Transits of Mercury on Venus Fifteen millennium catalog (pasadoj de Merkuro elde Venuso 15 000-jara katalogo) 5 000 aK - 10 000 pK (angle)

Kategorio Pasado de Merkuro elde Venuso en la Vikimedia Komunejo (Multrimedaj datumoj)

[1] Transits of Mercury on Venus Fifteen millennium catalog (pasadoj de Merkuro elde Venuso 15 000-jara katalogo) 5 000 aK - 10 000 pK (angle)

[1]