Tobo
|
Tiu ĉi artikolo temas pri setlejo Tobo en Svedio. Krome la nomo Tobo ankaŭ estas kutima koncizigo de la nomo de la esperantista ĵurnalisto Thomas Bormann. |
Koordinatoj: 60° 15′ 32″ N 17° 39′ 25″ O / 60.25889 °N, 17.65694 °O (mapo)
Tobo [ˈtuːˌbuː] estas malgranda denssetlejo kun proksimume 600 loĝantoj en la komunumo Tierp en Uplando, Svedio. Tobo atingeblas el Upsalo aŭ Gävle per regiona fervojo Upptåget ('Up-fervojo').
La denssetlejo estiĝis en la ĉirkaŭo de malnova ferfarejo. Nuntempe troviĝas tie fabriko por aersekigiloj de la firmao Munters. Tobo estas iom pli vaste konata pro la nacia instituto por tradicia popolmuziko, Eric Sahlström Institutet, kiu troviĝas tie, kaj kiu proponas interalie kursojn pri muzikado per klavoviolono (svede nyckelharpa). Tio estas tradicia instrumento tipa por la provinco Uplando, kaj Eric Sahlström (1912-1986) el Tobo famiĝis en Svedio kiel klavoviolonisto.
Bildaro
[redakti | redakti fonton]-
Malnova fabrikejo -
Tie loĝis ferlaboristoj -
Ankaŭ tie -
Instituto Eric Sahlström
