Ĉerimolio
Biologia klasado | ||||||||||||||
---|---|---|---|---|---|---|---|---|---|---|---|---|---|---|
| ||||||||||||||
Annona cherimola Mill. | ||||||||||||||
Aliaj Vikimediaj projektoj
| ||||||||||||||
La ĉerimolio arbo (Annona cherimola) estas tropika planto de la Anonacoj (Annonaceae) kaj origine venas de la altmontaraj valoj de la Andoj en Peruo, Ekvadoro, Kolombio kaj Bolivio inter 1000 kaj 2000 m alto. La frukto estas multe kultivata en Ĉilio kaj la lando estas unu el la plej grandaj ekportistoj de ĉerimolio en la regiono. La plej nordaj kultivejoj estas la Mediteranea areo (Hispanio kaj Israelo) kaj Ĉinio. La frukto apartenas al la grupo de tropikaj krempomoj kaj ankaŭ nomiĝas jamajka pomo aŭ kustarda pomo.
Ĝi estas en seka periodo foliperdanta arbusto aŭ malgranda arbo, kiu povas kreski ĝis 9 metroj alte. La folioj estas alterne, unuopaj longformaj kaj estas 7 – 15 cm longaj kaj 6 – 10 cm larĝaj. La planto forlasas plurfoje dum la jaro siajn foliojn inter ĉefe dum la printempo. La floroj kreskas en etaj grupoj, kaj larĝas 2 – 3 cm, kun ses petaloj kaj havas flav-brunan koloron ofte kun violkoloraj punktoj en la bazo.
La fruktoj estas ovalaj, ofte iom longformaj kaj korformaj, 10 – 20 cm longa kun diametro de 7 – 10 cm, kun ledeca, glata verda ŝelo. La sarkokarpo estas blanka kun multaj nigraj grajnoj kaj tre dolĉa kun iomete kustarda gusto.
En la ĉirkaŭaĵo de Motril, Hispanio oni faras fruktan likvoron el ĉerimolio
Bildogalerio
[redakti | redakti fonton]-
Sekcaĵo
-
Sekcaĵo
-
Maturaj fruktoj
-
Arbo
-
Plantejo en suda Andaluzio
Eksteraj ligiloj
[redakti | redakti fonton]- http://www.br.fgov.be/PUBLIC/GENERAL/EDUCATION/EDUCATIONNL/infoblad_cherimoya.html Nacia Plantoĝardeno Belgio
- http://www.kuebelpflanzeninfo.de/exot/cherimoya.htm (germane) Botaniko kaj kultivado de la ĉerimolio
- http://www.wegmans.com/kitchen/ingredients/produce/fruit/cherimoy.asp Arkivigite je 2006-12-30 per la retarkivo Wayback Machine (angle), Apliko de la ĉermolio en la kuirejo