Gustave Eiffel
Gustave Eiffel | |
---|---|
franca inĝeniero | |
Persona informo | |
Naskonomo | Alexandre Gustave Bonickhausen dit Eiffel |
Naskiĝo | 15-a de decembro, 1832 en Dijon, Francio |
Morto | 27-a de decembro, 1923 en Parizo, Francio |
Tombo | Levallois-Perret Cemetery (en) |
Lingvoj | franca |
Loĝloko | rue Rabelais • place d'Iéna |
Ŝtataneco | Francio |
Alma mater | Lernejo Centra de Parizo Collège Sainte-Barbe (en) |
Subskribo | |
Familio | |
Edz(in)o | Marguerite Gaudelet (en) |
Infanoj | 5 |
Parencoj | Tullie Moneuse (en) |
Okupo | |
Okupo | konstruinĝeniero inĝeniero konstruestro entreprenisto arkitekto flight engineer (en) |
Verkoj | Garabit Viaduct Pont métallique sur l'Adour Eiffel-Turo Statuo de Libereco Ponto Maria Pia |
La franca inĝeniero Alexandre Gustave EIFFEL ([efɛl]) (esperante Aleksandro Gustavo EJFELO) naskiĝis je la 15-a de decembro 1832 en Dijon kaj mortis je la 27-a de decembro 1923 en Parizo. Li estas la konstruinto de la Eiffel-Turo kaj la Statuo de Libereco.
Li studis en la Pariza École des Arts et Manufactures kaj laboris poste en metalurgia entrepreno apud sia hejmurbo. Tie li ekinteresiĝis pri metalaj materialoj. En 1856 li fondis sian firmaon por grandaj ferkonstruaĵoj, kiel ekz. pontoj kaj kupoloj.
La plej granda merito de Gustave Eiffel estis la laŭ li nomata Eiffel-Turo, kiun li konstruigis okaze de la Internacia ekspozicio en 1889. Ĝi fariĝis grava simbolo de Parizo.
Ankaŭ la interna ŝtalskeleto de la Statuo de Libereco, grave simbolo de Novjorko, estis konstruita de li laŭ skulptaĵo de Bartholdi.
La du ĉefaj konstruaĵoj de Eiffel celebris la centjaran datrevenon de du revolucioj: la Statuo de Libereco la usonan Revolucion (1776), donaco de la Franca Respubliko al Usono, kaj la Eiffel-Turo la francan Revolucion (1789).
Laŭ PIV2002 Gustave Eiffel nomiĝas Ejfelo en Esperanto, same kiel la montaro Ejfelo.
Gustave Eiffel kaj Esperanto
[redakti | redakti fonton]Eiffel estis konata kiel esperantisto. Li diris:
“ | Esperanto... kvankam mi mem neniam kuraĝis ĝin lerni, por kio mia alta aĝo povas min senkulpigi, mi rekomendados ĝin al infanoj, ĉar ĝi estas unu el la plej facilaj aferoj kiujn ili iam povos lerni. | ” |
Eksteraj ligiloj
[redakti | redakti fonton]
|
- Asocio Gustave Eiffel (france)
- Gustave Eiffel en la retejo de la Eiffel-Turo (arabe, germane, angle, hispane, france, itale, japane, portugale, ĉine)
- Gustave Eiffel ĉe "Structurae"