Kaunas (subdistrikto)
Kaunas | ||
---|---|---|
Flago | Blazono | |
subdistrikta komunumo de Litovio [+] | ||
Lando | Litovio | |
Distrikto | Kaunas ĝis julio 2010 | |
Ĉefurbo | Kaŭno | |
- koordinatoj | 55° N, 24° O (mapo)5523.833333333333Koordinatoj: 55° N, 24° O (mapo) | |
Akvokolektejo | 1 496 km² (149 600 ha) [+] | |
Areo | 1 496 km² (149 600 ha) [+] | |
Loĝantaro | 99 265 [+] (1-a de januaro 2023) | |
Denseco | 66,35 loĝ./km² [+] [+] | |
Fondo | 1-a de julio 1955 | |
Ĉefulo | Valerijus Makūnas | |
Poŝtkodo | 49500 [+] | |
Telefona prefikso | (+370) 37 | |
Kaunas | ||
En TTT: Oficiala retejo [+] | ||
La subdistrikta komunumo Kaunas (Kaŭno), ene de la distrikto Kaunas en la centro de Litovio, ĉiuflanke ĉirkaŭas la urbon Kaŭno, sed ne inkluzivas ĝin.
Ene de la komunumo, kiu kovras areon de 1496 kvadrataj kilometroj, la plej granda urbo estas Garliava, neoficiala komunuma centro, ĉar la oficiala administrejo situas en la distrikta ĉefurbo. En 2023 en la komunumo vivis 99 265 loĝantoj, el tio en la urbo Garliava mem estis 13 300. Pliaj urboj estas Domeikava (4 600 loĝantoj) kaj Raudondvaris (4 100 loĝantoj).
Aparte konata loko en la komunumo tamen estas la pli malgranda urbeto Karmėlava, kie troviĝas la flughaveno Kaŭno.
La norda parto de la komunumo cetere troviĝas en la etnografia regiono Aŭkŝtajtio kaj la suda parto en la regiono Suvalkio - la limo inter ambaŭ regionoj estas la rivero Nemunas, kiu dividas la komunumon. Parto de la komunuma teritorio estas la baraĵlago Kauno marios ("kaŭna maro").
Rilatoj al Esperanto
[redakti | redakti fonton]Al la komunumo ankaŭ apartenas la loĝloko Noreikiškės, kie en 1992 okazis la 65-a SAT-Kongreso 1992. Borde de la baraĵlago Kauno marios situas la komunuma loĝloko Girionys, kie en 1995 okazis la 31-aj Baltiaj Esperanto-Tagoj.
Eksteraj ligiloj
[redakti | redakti fonton]- paĝoj de la komunumo (litovaj) Arkivigite je 2022-03-03 per la retarkivo Wayback Machine