Islama mitologio
La islama mitologio estas aro de mitologio disvolvigita en la islamaj kulturoj kaj devas esti konsiderita diferenca disde la islama kredaro. Plej ofte, tiuj mitoj ne kongruas kun Islamo mem, sed foje la islama mitologio helpas la klarigon kaj simboligon de la islama kredaro.
Islamdevenaj mitoj
[redakti | redakti fonton]La historioj de genioj, magiaj lampoj, magiaj tapiŝoj kaj deziroj enhavataj en rakontaroj kiel tiuj de Mil kaj unu noktoj kaj aliaj verkoj estis transigitaj tra generacioj. La islama mitologio probable estis influita de la araba mitologio. Ambaŭ diferenciĝas je tio ke Islamo malpermesas la sorĉadon. Multaj islamaj geavoj rakontis al filoj kaj nepoj historiojn por endormiĝi pri serpento menciita en islama hadito kiel puno pro malobeo de la devo preĝi.
Malica okulo
[redakti | redakti fonton]La koncepto de la malica okulo estas kredo konsiderata de kelkaj kiel ebla okazo, ĉar ĝi estas menciita en la Korano, nome en la surao al-Falak (en kiu oni konsilas serĉi rifuĝon "el la diableco de la enviulo dum tiu envias"), kaj ĝi estas konsiderata certa kredo inter milionoj da islamanoj. La Mano de Fatima estas uzata foje por nuligi la efikon de la malica okulo, kvankam ties uzado estas malpermesita de la Islamo, kiel ĉiuj talismanoj kaj superstiĉoj. Inter la tradiciaj islamanoj, kelkaj versoj de la Korano kiel la suraoj an-Nas kaj al-Falaq, foje estas deklamataj kiel beno kaj protekto.
Aladino
[redakti | redakti fonton]La historio de Aladino estas unu de tiuj rakontoj pri genioj konataj en la tuta mondo tra la disvastigo de Mil kaj unu noktoj. Kvankam kelkaj el tiuj historioj estas asociataj en la menso de okcidentanoj kun la Islamo, reale ili estas antaŭaj al la epoko de la enkonduko de la Islamo kaj fakte enhavas elementojn kontraŭajn al la religia instruado.