El Vikipedio, la libera enciklopedio
|
Por aliaj signifoj, bv. rigardi la apartigilan paĝon: Lány
|
Lány (antaŭe ankaŭ Lahna) estas municipo en Ĉeĥio situanta en Bohemio, 5 km sudoriente de Nové Strašecí, en distrikto Kladno. Vivas ĉi tie 2 256 loĝantoj (2024).
La najbaraj municipoj de la setlejo estas Ruda, Městečko, Stochov, Tuchlovice, Žilina, Lhota, Zbečno, Nové Strašecí, Rynholec kaj Běleč.
En la 14-a jarcento situis en loko sinjora burgaro, kiu ŝirmis vojon el Rakovník ĝis Prago. En la jaro 1589 akiris Lányon imperiestro Rudolfo la 2-a kaj la burgaro estis alikonstruita en ĉasistan kasteleton. Post Valdŝtejnoj venis Fürtenberkoj, kiuj lasis alikonstrui la kastelon en hodiaŭan aspekton. Ekde la jaro 1921, kiam la ŝtato aĉetis la objekton, ĉi tie estas somera restadejo de prezidento de la respubliko. Dum prezidentado de Tomáš Garrigue Masaryk la burga arkitekto Josip Plečnik reguligis ankaŭ kastelparkon. La kastelo estas per kovrita koridoro kunigita kun baroka preĝejo Nomo de Jesuo (1747–1752). Okcidente de la kastelo situas palma forcejo. La kastelparko, la preĝejo kaj la forcejo estas alireblaj por publiko.
En la municipo estas memorĉambro de Tomáš Garrigue Masaryk[1], bildgalerio kaj muzeo de historiaj aŭtomobiloj.
Al la kastelparko ligas Ĉirkaŭbarita arbaro de Lány, kiun fondis en areo 9 000 ha Valdŝtejnoj en la jaro 1713. En la jaroj 1816–1817 ĝi estis apartigita en du partojn: por nigra bestaro kaj por alta bestaro. La hodiaŭa areo estas 2 144 ha.
Evoluo de nombro de loĝantoj
La datoj devenas el datumbazo de Vikidatumoj
Jaro | Loĝantoj |
---|
1869 | 1 308 |
---|
1880 | 1 158 |
---|
1890 | 1 118 |
---|
1900 | 1 291 |
---|
1910 | 1 396 |
---|
1921 | 1 349 |
---|
Jaro | Loĝantoj |
---|
1930 | 1 573 |
---|
1950 | 1 452 |
---|
1961 | 1 615 |
---|
1970 | 1 603 |
---|
1980 | 1 649 |
---|
1991 | 1 607 |
---|
Jaro | Loĝantoj |
---|
2001 | 1 597 |
---|
2014 | 2 041 |
---|
2016 | 2 053 |
---|
2017 | 2 065 |
---|
2018 | 2 112 |
---|
2019 | 2 196 |
---|
Jaro | Loĝantoj |
---|
2020 | 2 242 |
---|
2021 | 2 229 |
---|
2022 | 2 252 |
---|
2023 | 2 260 |
---|
2024 | 2 256 |
---|
- ↑ Vratislav Preclík: MDH uctilo památku Prezidenta Osvoboditele, in Čas: časopis Masarykova demokratického hnutí, červenec – září 2015, roč. XXIII. čís. 111. ISSN 1210-1648, str. 16 - 17
Partoj de municipo Lány (2) |
---|
|
|