Lasitio
Lasitio | ||
---|---|---|
provinco de Grekio, regiona unuo de Grekio [+] | ||
Akvejo | Egea maro | |
Koordinatoj | 35° N, 26° O (mapo)35.08333333333325.833333333333Koordinatoj: 35° N, 26° O (mapo) | |
- koordinatoj | 35° N, 26° O (mapo)35.08333333333325.833333333333Koordinatoj: 35° N, 26° O (mapo) [+] | |
Akvokolektejo | 1 823 km² (182 300 ha) [+] | |
Areo | 1 823 km² (182 300 ha) [+] | |
Loĝantaro | 73 258 [+] (2021) | |
Horzono | UTC+02:00, UTC+03:00 [+] | |
Poŝtkodo | 72x xx [+] | |
En TTT: Oficiala retejo [+] | ||
Lasitio (greke Λασίθι respektive Νομός Λασιθίου - Nomos Lasithiu) ĝis administra reformo efektivita komence de 2011 estis unu el la kvar provincoj de la insulo Kreto kaj unu el la 51 provincoj de Grekio ("prefektujoj", kiuj greke nomigas Νομός, do "nomos"). Ĝi kovras areon de 1 823 km² kaj dum la jaro 2001 havis proksimume 76 000 loĝantojn. Ĉefa loĝloko estas la urbo Agios Nikolaos. La teritorio apartenas al la administra regiono ("periferio") Kreto (Περιφέρεια Κρήτης, Periferia Kritis) kaj kovras la plej orientan parton de ĝi, najbare al la provinco Iraklio en la okcidento.
La provinco havas sian nomon de la pitoreska altebenaĵo en la montaro Dikti. Laŭ la helena mitologio la dio Zeŭso naskiĝis en kavo de tiu montaro, ĉe la sudokcidenta rando de la altebenaĵo. Troviĝas pluraj arkeologiaj lokoj el la antikva minoa civilizo, kaj belaj sablaj plaĝoj, interalie la palma plaĝo de Vai. Kompare al la aliaj partoj de la insulo Kreto tamen la provinco estas malpli grandkvante vizitata de turistoj, kaj dum someroj pli trankvila. La preĝejo de la ĉefurbo Agios Nikolaos el la 10-a jarcento cetere estas inter la plej malnovaj ankoraŭ funkciantaj religiaj konstruaĵoj en Grekio.
Al la provinco krom la oriento de la insulo Kreto ankoraŭ apartenas la pli eta insulo Spinalonga.
la insulo Spinalonga |
Eksteraj ligiloj
[redakti | redakti fonton]- oficialaj paĝoj de la provinco (en la greka kaj angla) Arkivigite je 2019-08-22 per la retarkivo Wayback Machine
- informoj pri la tuta oriento de la insulo Kreto (en la germana)
- reta gvidilo pri Kreto (en la germana)
- informoj pri la provinco sur la paĝoj de la grekia kultura ministerio Arkivigite je 2008-02-14 per la retarkivo Wayback Machine