Motihari
Motihari | |||
---|---|---|---|
urbo | |||
Administrado | |||
Poŝtkodo | 845401 • 845435 • 845437 | ||
En TTT | Oficiala retejo [+] | ||
Demografio | |||
Geografio | |||
Geografia situo | 26° 39′ N, 84° 55′ O (mapo)26.6584.916666666667Koordinatoj: 26° 39′ N, 84° 55′ O (mapo) [+] | ||
Alto | 62 m [+] | ||
Areo | 122 km² (12 200 ha) [+] | ||
Horzono | UTC+05:30 [+] | ||
| |||
| |||
Motihari, hindie मोतिहारी estas urbego en norda Barato, en nordokcidenta parto de subŝtato Biharo, en kantono de Muzaffarpur, en distrikto de Orienta Ĉamparan, kie ĝi estas ties sidejo. Laŭvorte tradukite "Motihari" signifus: "loko, kiu perdis siajn perlojn".
Demografio
[redakti | redakti fonton]En 2011 Motihari havis 125 183 da loĝantoj kun legopovo 87%, pli alta, ol la landa mezumo. Motihari atingis la internacian kvalifikon urbego (pli granda, ol cent mil) ĉirkaŭ 2000.
Geografio
[redakti | redakti fonton]Motihari situas sur ebenaĵo laŭ averaĝa alteco de 62 m super la marnivelo iomete malpli, ol 50 km de la nepala limo. Bettiah troviĝas 43, Sivan 73, kantona sidejo Muzaffarpur 75, Ĉapra 99, Haĝipur 110, subŝtata ĉefurbo Patnao 118, Kolkata 573, tutlanda ĉefurbo Delhio 789, Mumbajo 1505 kilometrojn (aere) [1].
Historio
[redakti | redakti fonton]Motihari estis fondita iam en la nebula historio, neniuj aŭtentaj datenoj estas haveblaj. Dum la brita epoko la urbo prosperis kaj ĝi iĝis unu el la gravaj centroj de norda Biharo. En 1866 distrikto Ĉamparan estis formita kun Motihari kiel sia sidejo. En 1977 la okcidenta distriktoparto estis forigita por establi novan distrikton kun sidejo de Bettiah. La municipo de Motihari estis establita en 1879. Mahatma Gandhi venis al tiu areo por vidi kondiĉojn de kamparanoj.
Ekonomio
[redakti | redakti fonton]En ĉirkaŭaĵo de Motihari oni okupiĝas pri agrikulturo kaj laktaĵoj. En la urbego la industrio estas modesta. Menciindas paper- kaj sukerfabriko.
Eduko
[redakti | redakti fonton]En Motihari universitato kaj 2 altlernejoj funkcias.
Lingvoj
[redakti | redakti fonton]En Motihari la oficialaj lingvoj estas la bojpura, hindia kaj urdua lingvoj.
Religioj
[redakti | redakti fonton]La ĉefa religio en Motihari estas hinduismo kun ĉirkaŭ 85%, poste islamo ĉirkaŭ 15%.
Klimato
[redakti | redakti fonton]Motihari situas en humida subtropika klimato (Cfa). La temperaturo estas jare averaĝe inter 24 °C kaj varias inter 18-31 °C. Jare pluvas mezume 1290 mm, en ĉiuj monatoj pluvas iomete, sed inter junio kaj septembro tre ofte pro la musono.
Trafiko
[redakti | redakti fonton]Motihari havas trairan fervojan linion inter Bettiah kaj Muzaffarpur. 4 ĉefvojoj kaj sola flankovojo kuras al la urbego. La mapo anoncas flughavenon en Muzaffarpur, sed dateno mankas. La plej proksima flughaveno fakte funkcias en Patnao.
Vidindaĵoj
[redakti | redakti fonton]- pluraj preĝejoj, proksime impona stupao
- memorkolono pri Gandhi
- naskiĝdomo de George Orwell
Famuloj
[redakti | redakti fonton]- George Orwell, verkisto naskiĝis en 1903
Fontoj
[redakti | redakti fonton]- WikiTrans