Nord-kaliforniaj marbordaj arbaroj
Nord-kaliforniaj marbordaj arbaroj | |||
---|---|---|---|
ekoregiono | |||
Sekvojaro en Sekvojara Nacia Parko. | |||
ekoregiono laŭ Monda Natur-Fonduso [+] | |||
|
|||
La nord-kaliforniaj marbordaj arbaroj estas tersupraĵa ekoregiono el la okcident-nordamerika ekoprovinco de la nearktisa ekozono laŭ la tipologio de la Monda Natur-Fonduso (WWF). Biome ĝi apartenas al mezvarmaj koniferarbaroj de marborda Norda Kalifornio, Usono. Botanike tiuj arbaroj situas en la Rokmontara Flaŭra Regiono. Kune kun kelkaj aliaj ekoregionoj, la nord-kaliforniaj marbordaj arbaroj konstituas la "pacifikajn moderajn pluvarbarojn", tutmondaj 200-unuon.
Priskribo
[redakti | redakti fonton]La ekoregiono apudas Pacifikan Oceanon, kaj estas humidigita vintre per la pacifik-oceanaj ŝtormoj, kaj somere per la marbordaj nebuloj. La ekoregiono kovras 13 300 km2, etendiĝante ekde Kantono Del Norte je la kalifornia-oregona limo suden ĝis Kantono Santa Cruz. Iuj partoj de Montaro Santa Lucia en Kantono Monterey havas arbojn asociataj kun tiu ekoregiono. Tiu ĉi malofte etendiĝas pli ol 65 km landinternen ekde la marbordo. Ĝi estas parto de la Pacifikaj moderaj pluvarbaroj, kiuj etendiĝas laŭlonge de la pacifika marbordo ĝis Insulo Kodiak en Alasko.
Flaŭro
[redakti | redakti fonton]La ekoregiono estas karakterizita de sekvojo ( Sequoia sempervirens ); sekvojaroj alternas kun pluraj aliaj plantaj komunumoj, inkluzive nord-marbordaj herbejoj kaj nord-marbordaj arbustaroj tuj apude de la marborda zono kaj sur monteto-pintoj, miksa ĉiamverda arbaro de marborda duglaso (Pseudotsuga menziesii var. menziesii), densflora litokarpo ( Lithocarpus densiflorus ), Menzies-arbuto ( Arbutus menziesii ), kaj Umbellularia californica (laŭracoj) sur pli seka deklivaro, kaj enklavoj de pinaroj de episkopo-pino (Pinus muricata) kaj de tuber-strobila pino (Pinus attenuata).
Iuj el la plej maloftaj arbaroj kiuj troviĝas en la marborda regiono estas la ponderosa-pinaroj de la Marbordaj Montaroj; ekzemplo de tiuj troviĝas en la baseno de Carbonera Creek de Kantono Santa Cruz, Kalifornio.
Faŭno
[redakti | redakti fonton]La ekoregiono gastigas 232 birdospeciojn kaj 77 mamulspeciojn [1].
Vidu ankaŭ
[redakti | redakti fonton]Referencoj
[redakti | redakti fonton]- ↑ angle Hoekstra, J. M.. (2010) The Atlas of Global Conservation: Changes, Challenges, and Opportunities to Make a Difference. University of California Press. ISBN 978-0520262560. Arkivigite je 2012-12-05 per Archive.today Arkivita kopio. Arkivita el la originalo je 2012-12-05. Alirita 2011-01-27.
Eksteraj ligiloj
[redakti | redakti fonton]- angle Ekoregiono NA0519 : Nord-kaliforniaj marbordaj arbaroj (WWF)
- angle Nord-kaliforniaj marbordaj arbaroj (WWF-Wildworld)
- angle Nord-kaliforniaj marbordaj arbaroj (Wildworld) - Nacia Geografia Societo
- angle Nord-kaliforniaj marbordaj arbaroj (The Encyclopedia of Earth)
- angle Nord-kaliforniaj marbordaj arbaroj (Bioimages)
- angle Nord-kaliforniaj marbordaj arbaroj (Globalspecies) Arkivigite je 2016-03-07 per la retarkivo Wayback Machine
- angle Situo de la ekoregiono : tajpu Northern California coastal forests Arkivigite je 2011-10-14 per la retarkivo Wayback Machine
- angle Tutmondaj 200; numero 72 : Pacifikaj moderaj pluvarbaroj (WWF) Arkivigite je 2013-11-09 per la retarkivo Wayback Machine
- angle Fonduso pri la Sekvojaroj
- angle Koniferoj de Nordokcidenta Kalifornio
Nearktisaj mezvarmaj koniferarbaroj | |
---|---|
NA0501 Rok-montaraj arbaroj de Alberto | |
NA0503 Arizonaj montarbaroj | |
NA0506 Brit-kolumbiaj kontinent-marbordaj arbaroj | |
NA0507 Kaskad-montaraj leaj arbaroj | |
NA0508 Arbaroj de centra kaj suda Kaskada Montaro | |
NA0511 Koloradiaj rokmontaraj arbaroj | |
NA0513 Floridaj sablopinaroj | |
NA0514 Arbaroj de Frejzer-Altebenaĵo kaj Frejzer-Baseno | |
NA0515 Grand-basenaj montarbaroj | |
NA0518 Arbaroj de norda-centra Rokmontaro | |
NA0519 Nord-kaliforniaj marbordaj arbaroj | |
NA0520 Nord-pacifikaj marbordaj arbaroj | |
NA0525 Arkipelago Reĝino Karloto | |
NA0527 Arbaroj de Sierra Nevada | |
NA0529 Sudorient-usonaj koniferaroj |