Filosofoen bizitzak
Filosofoen bizitzak edo Filosofo argien bizitzak[1] (grezieraz Βίοι καὶ γνῶμαι τῶν ἐν φιλοσοφίᾳ εὐδοκιμησάντων) greziar eta erromatar kulturetako antzinako filosofoei buruz, Tales Miletokoarekin (K. a. c.624-c.546) hasi eta II. mendeko Sexto Enpiriko arte, Diogenes Laerzio doxografo eta biografoak idatzitako bilduma bat da, liburu sorta moduan antolatua. Bertan, filosofoen jatorriari eta bizitzari buruzko datuak [2] eta anekdotak biltzen dira. Dagokien eskola filosofikoa [3], pentsaera eta bibliografia zabala [4] ere aipatzen ditu, filosofo bakoitzaren nortasuna eta pentsaera uztartuz horrela. Lanaren estilo errazak, umoretsua batzuetan [5] , publiko zabal bati begira idatzia izan zela pentsarazten du. Historian zehar eta egun ere antzinako filosofiaren oinarrizko erreferentzia izan da, askok bere estilo kaxkarra nabarmendu badute ere [6].
Edukia
Diogenes Laerziok filosofia grekoen asmakuntza dela aipatuz abiarazten du bere lana. Bi jatorri aipatzen ditu: Anaximandro buru duen joniar eskola eta Pitagoras buru duen eskola italikoa.
Erreferentziak
- ↑ Izenburu luzeagoak ere izan ditu lanak batez ere argitalpen zaharretan.
- ↑ Adibidez, "Euklides Megarakoa zen, Istmotik gertuko hirikoa hain zuzen, edo beste batzuen arabera, Gelakoa...".
- ↑ Adibidez, "Arkelao Anaxagorasen ikasle eta Socratesen maisu izan zen, Joniatik Atenasera filosofía naturala ekarri zuen lehena ...".
- ↑ Bertan aipaturiko idazkietatik asko galdu egin dira.
- ↑ Adibidez, "Diogenesek (zinikoa, alegia) garbia ez zen bainu batean zegoela, hau esan zuen: «Hemen bainatzen direnak, non garbitzen dira?»".
- ↑ Alfonso Reyes Ochoa mexikar idazleak ezinbestekoa bezain baliorik gabea dela aipatu du. Ikus Alfonso Reyes: Obras completas, XIII: La crítica en la edad ateniense, la antigua retórica, 42. orrialdea.
Kanpo loturak
- (Ingelesez) Filosofoen bizitzak ingelesez: The lives and opinions of eminnts philosophers.
- (Ingelesez) Liburukien eskuizkribuak: [http://www.tertullian.org/rpearse/manuscripts/diogenes_laertius.htm Diogenes Laertius: the Manuscripts of
"The Lives and Opinions of Eminent Philosphers].
- (Gaztelaniaz) Fernando Báez: Diógenes Laercio o la indiscreción satisfecha.Casi Nada webmagazine. 1998ko abendua.