Tinker Tailor Soldier Spy (filma)
Tinker Tailor Soldier Spy (euskaraz Latoigile Jostun Gudari Espia) 2011ko Tomas Alfredson suediar zinema zuzendariaren espioi film bat da.
Film honetan antzeztu zuten aktoreen artean honako hauek daude: Gary Oldman, Colin Firth, Tom Hardy, John Hurt, Toby Jones, Mark Strong, Benedict Cumberbatch, David Dencik, Ciarán Hinds, Simon McBurney eta Stephen Graham.
2011ko irailaren 5ean Veneziako Mostran estreinatu zen, ondoren urriaren 15an Erresuma Batuko zine aretoetan estreinatzeko.
Filmaren istorioa John le Carré idazlearen Tinker, Tailor, Soldier, Spy eleberrian oinarritua dago, aldiz izenburua Ingalaterrako haur kanta herrikoi bateko bertsoetan oinarritua dago, izen horiekin filma honetan agertzen diren hainbat pertsona edo espioi izendatzen direlarik. Bitxikeri gisa, filma honetako soinu banda Alberto Iglesias donostiar musikagileak konposatu zuen. Bestalde, filma Bridget O'Connor gidoigileari eskeinia dago (amaierako azpitituluetan aipatzen da), hura filmatzen ari zen denboraldian minbiziaren ondorioz zendu baitzen.
Argumentoa
[aldatu | aldatu iturburu kodea]1970eko hamarkada, Gerra Hotza. Erresuma Batuko Inteligentzia Zerbitzuak ("Zirkoa") Budapest hirian ekintza batean sekulako porrota jasango du, tartean errurik gabeko hildakoak daudelarik. Horren ondorioz erakunde honetako agintariak ordezkatu egiten dituzte. Ordezkatutako agintari eta espioi horien artean George Smiley (Gary Oldman) espioia dago.
Halere, jada Smileyk erretiroa hartzeko ideia buruan zuela, betebehar berri bat jasoko du: Erresuma Batuko Inteligentzia Agentziaren agintaritzan KGBren sator edo espioi bat dagoelako susmoa dago (hau "Karla" izeneko sobietar espio misteriotsu baten zerbitzupean dago), hura erakundetik kanpo dagoen norbaitek topatzea beste konponbiderik ez dago, hortaz Smileyk erakundeko "Kontrol" ezizena duen zuzendari nagusiarengandik (John Hurt) traidorea atzemateko agindua jasoko duelarik. Betebehar hau aurrera ateratzeko bere adiskideak diren erretiratutako espioien eta erakunde barnean jarraitzen duen Peter Guillam espioi leialaren (Benedict Cumberbatch) laguntza izango du. Honela, Smileyk misterioaren piezak banan-banan elkartuz joan eta traidorea nor den jakitea lortuko du.
Aktoreak
[aldatu | aldatu iturburu kodea]Aktorea | Pertsonaia | Oharrak |
---|---|---|
Gary Oldman | George Smiley "Beggarman" | |
Colin Firth | Bill Haydon "Tailor" | |
John Hurt | Control "Control" | |
Benedict Cumberbatch | Peter Guillam | |
Ciarán Hinds | Roy Bland "Soldier" | |
Tom Hardy | Ricki Tarr | |
Mark Strong | Jim Prideaux | |
Toby Jones | Percy Alleline "Tinker" | |
Stephen Graham | Jerry Westerby | |
Simon McBurney | Oliver Lacon | |
David Dencik | Toby Esterhase "Poorman" | |
Svetlana Khodchenkova | Irina | |
Kathy Burke | Connie Sachs | |
Roger Lloyd-Pack | Mendel | |
Christian McKay | Mackelvore | |
Konstantin Khabenskiy | Polyakov | |
Tomasz Kowalski | Boris | |
John le Carré | -- | Kameoa |
Kanpo estekak
[aldatu | aldatu iturburu kodea]- Tinker Tailor Soldier Spy filmaren webgunea (Ingelesez)
- Tinker Tailor Soldier Spy filmaren IMDBko fitxa irakurgai (Ingelesez)
- 2011ko filmak
- Gary Oldmanek antzeztutako filmak
- Colin Firthek antzeztutako filmak
- Tom Hardyk antzeztutako filmak
- Mark Strongek antzeztutako filmak
- Ciarán Hindsek antzeztutako filmak
- Benedict Cumberbatchek antzeztutako filmak
- Toby Jonesek antzeztutako filmak
- John Hurtek antzeztutako filmak
- David Dencikek antzeztutako filmak
- Stephen Grahamek antzeztutako filmak
- Simon McBurneyk antzeztutako filmak
- Kathy Burkek antzeztutako filmak
- Svetlana Khodtxenkovak antzeztutako filmak
- Arthur Nightingalek antzeztutako filmak
- Amanda Fairbank-Hynesek antzeztutako filmak
- Roger Lloyd Packek antzeztutako filmak
- Matyelok Gibbsek antzeztutako filmak
- Sarah Jane Wrightek antzeztutako filmak
- Tomasz Kowalskik antzeztutako filmak
- Denis Khoroshkok antzeztutako filmak
- Gillian Steventonek antzeztutako filmak
- Rupert Procterrek antzeztutako filmak
- John le Carréek antzeztutako filmak
- Christian McKayk antzeztutako filmak
- Nick Shawek antzeztutako filmak
- Tim Bevanek ekoitzitako filmak
- Eric Fellnerrek ekoitzitako filmak
- Peter Morganek ekoitzitako filmak
- Canal+ek ekoitzitako filmak
- Tomas Alfredsonek zuzendutako filmak
- Erresuma Batuko filmak
- Frantziako filmak
- John le Carrén idazlanetan oinarritutako filmak
- Gerra Hotzari buruzko filmak
- Hilketei buruzko filmak
- Suspense filmak
- KGBari buruzko filmak
- Londresen girotutako filmak
- Parisen girotutako filmak
- Budapesten girotutako filmak
- Istanbulen girotutako filmak
- Liburuetan oinarritutako filmak
- BAFTA film saridunak