Ana María Alonso Zarza
Ana María Alonso Zarza | |||
---|---|---|---|
2020 - | |||
Bizitza | |||
Jaiotza | Viñegra de Moraña, 1962 (61/62 urte) | ||
Herrialdea | |||
Hezkuntza | |||
Heziketa | Madrilgo Complutense Unibertsitatea (1985eko uztailaren 1a - | ||
Jarduerak | |||
Jarduerak | ikertzailea, katedraduna eta geologoa | ||
Enplegatzailea(k) | Madrilgo Complutense Unibertsitatea (1991ko abenduaren 20a - Spanish Geological Survey (en) |
Ana María Alonso Zarza (Viñegra de Moraña, Ávila, 1962) geologoa da, Madrilgo Unibertsitate Konplutentseko (UCM) Geologi Fakultateko Petrologia eta Geokimika saileko katedraduna eta Espainiako Geologia eta Meatzaritza Institutuko zuzendaria.[1][2] Ia 175 urteko historiaren ondoren, erakunde horren zuzendaritzara iritsi den bigarren emakumea eta lehen geologoa da. Geozientzien Institutuko (IGEO), CSIC-UCM Zentro Mistoko ikertzailea eta Espainiako Elkarte Geologikoko lehendakaria izan da 2016. urtetik 2020. urtera arte.[3][4]
Ibilbidea
[aldatu | aldatu iturburu kodea]Oso txikitatik izan zuen interesa geologian, eta hamahiru urterekin bazuen bere mineral-bilduma. 1986an, lizentziatu berri, IGEOn sartu zen, bekadun gisa. UCMk Geologia Zientzietako doktoretza lortu ostean, eskolak ematen hasi zen, lehenik Geologia Zientzien Fakultateko bitarteko katedradun gisa eta 1993tik aurrera irakasle titular gisa. 2012an Unibertsitateko Katedradunen lehiaketa irabazi zuen.[5]
Atzerriko ikerketa-zentroetan egonaldiak egin ditu, besteak beste: Postgraduate Research Institute for Sedimentology, Readingeko Unibertsitatea (1989-1994); Department of Geological Sciences, Oregongo Unibertsitatea eta Department of Earth and Atmospheric Sciences, Alberta Unibertsitatea (1995 eta 1996). Ondoren, Txinako Lanzhou (2005) eta Nanging (2006 eta 2015) unibertsitateetan eta, 2007 eta 2015 artean, Uruguaiko Ekialdeko Errepublikako Unibertsitatean, Rio de Janeiroko Unibertsitate Federalean, Buenos Aires Unibertsitatean (CONICET) eta Iparraldeko Unibertsitate Katolikoan (Txile).[5]
IGEOko Geologia Sedimentarioa eta Ingurumen Aldaketa Saileko zuzendaria izan da (2012-2016), eta, aldi horretan bertan, Espainiako Elkarte Geologikoko lehendakariordea ere izan da. 2016. urtetik 2020. urtera arte izan da lehendakari.
Alonso Zarzak bere irakaskuntza-lana ikerketarekin eta zientziaren dibulgazioarekin batera egin du.[6] Hogeita hamar proiektu baino gehiagotan parte hartu du Espainiako eta atzerriko hainbat erakundetan, horietako askotan ikertzaile nagusi gisa. Haren ikerketa-ildoak arroka sedimentarioak eta, bereziki, kareharriak aztertu ditu.Ondare geologikoaren kontserbazioari, interpretazio zentroen diseinuari eta petrolioaren industriari buruzko azterlanetan ere parte hartu du. Ehun argitalpen baino gehiago egin ditu, artikuluen eta biltzarretarako komunikazioen artean.[5]
Geologiaren dibulgazioan aktiboki parte hartu du, "zientzia kultura gisa baloratua izan dadin lortzea" helburu hartuta. 2004az geroztik, Madrilgo Erkidegoko Zientziaren Astean eta Geolodiako koordinazio nazionalean parte hartu du. Zientzia-dibulgazioko ekimen hori urtero egiten da, jendeari leku jakin baten geologia ezagutarazteko, eta 600 irakasle eta ikertzaile baino gehiagoren laguntza du.[7][8][9]
Emakumeak eta zientziaren dibulgazioa
Alonso Zarzak etengabe lagundu du emakumeak zientzian paper garrantzitsuagoa izan dezaten eta beren ekarpen guztiak ezagut ditzaten. Hala, Elkarte Geologikoko lehendakariorde izan zenean, Emakumeak eta Geologia Batzordea sortu zuen, geologiako profesionalek esparru zientifikoetan duten zeregina aztertzeko eta sustatzeko. Harrezkeroztik, bere gain hartu zituen 2008an mahai-inguru bat antolatzea, 2012an Geologiako aitzindariei omenaldia egitea eta "ezkutuan egon diren geologoak ikusarazteko" beste jarduera batzuk egitea, hala nola beteranoen aintzatespena, 2016. urtean egindako ekitaldi batean.[7][10][11]
2020an, Espainiako Geologia eta Meatzaritza Institutuko (IGME) zuzendari izendatu zuten Alonso Zarza. Erakunde honen zuzendaritzara 1849an sortu zenetik iritsi den bigarren emakumea eta lehen geologoa da.[4][8]
Aintzatespenak
[aldatu | aldatu iturburu kodea]- 2016. urtean Walther Domina jaso zuen bere lan zientifikoagatik, Sedimentologiako Nazioarteko Elkarteak (IAS) geologiaren arloan urtero ematen duen nazioarteko aintzatespen handienetako bat. Lehen aldia zen nazioarteko erakunde horrek Espainiako ikerketa bat saritzen zuela.[8][12]
- 2017an, Emakume Ikertzaile eta Teknologoen Elkarteak hileko zientzialari izendatu zuen.[13]
Erreferentziak
[aldatu | aldatu iturburu kodea]- ↑ Press, Europa. (2020-09-09). «La geóloga Ana María Alonso Zarza, nueva directora del IGME: "Debemos apostar por la ciencia de calidad"» www.europapress.es.
- ↑ Limón, Raúl. (2021-05-24). «“La Tierra sobrevivirá, pero nuestro mundo no”» EL PAÍS.
- ↑ https://www.igme.es/salaprensa/NotasPrensa/2020/09/Nueva_Directora.pdf
- ↑ a b «Instituto Geológico y Minero de España» www.igme.es.
- ↑ a b c «Ana María Alonso Zarza» AMIT 2017-01-18.
- ↑ Viaintermedia.com. «Geotérmica - Ana María Alonso Zarza, nueva directora del Instituto Geológico y Minero de España» Energías Renovables, el periodismo de las energías limpias..
- ↑ a b «Tribuna Complutense :: UCM» www.ucm.es.
- ↑ a b c «La geóloga Ana María Alonso Zarza, nueva directora del Instituto Geológico y Minero de España (IGME) - Ministerio de Ciencia e Innovación (es)» www.ciencia.gob.es.
- ↑ Geolodía – Mira lo que pisas. .
- ↑ «Sociedad Geológica de España» MujeresyGeología.
- ↑ «Mujeres y geología: Homenaje a nuestras pioneras | Hitos» Mujeres con ciencia 2015-01-24.
- ↑ «Oficina de Transferencia de Resultados de Investigación» www.ucm.es.
- ↑ «Tribuna Complutense» tribuna.ucm.es.
Kanpo estekak
[aldatu | aldatu iturburu kodea]- Elkarrizketa: Gizakiak ez dauka ahalmen nahikorik planeta suntsitzeko Berria, 2022.09.16