Angra do Heroísmo
Angra do Heroísmo Angra do Heroísmo | |||
---|---|---|---|
Portugalgo udalerria | |||
Administrazioa | |||
Estatu burujabe | |||
Portugalgo eskualde autonomoa | |||
Izen ofiziala | Angra do Heroísmo | ||
Jatorrizko izena | Angra do Heroísmo | ||
Posta kodea | 9701 | ||
Geografia | |||
Koordenatuak | 38°39′21″N 27°12′55″W / 38.6558°N 27.2153°W | ||
Azalera | 237,52 km² | ||
Altuera | 0 m | ||
Mugakideak | Praia da Vitoria | ||
Demografia | |||
Biztanleria | 35.402 (2011) | ||
Dentsitatea | 149 bizt/km² | ||
Informazio gehigarria | |||
Sorrera | 1478 | ||
Telefono aurrizkia | 292 | ||
Ordu eremua | UTC−01:00 | ||
Hiri senidetuak | Salvador da Bahia, Gramado, Évora, Tulare (Kalifornia), Gilroy (Kalifornia), Taunton eta Rio de Janeiro | ||
cm-ah.pt |
Angra do Heroísmo(ˈɐ̃ɡɾɐ du eɾuˈiʒmu ahoskatua), eskuarki Angra deitua, Portugalgo udalerria da, Azoreetako hiru hiriburuetako bat, Terceira uhartean kokatutakoa.
1983an UNESCOk bere herrigune historikoa Gizateriaren Ondare izendatu zuen.
Historia
[aldatu | aldatu iturburu kodea]1450an fundatu zen Angra. Batzuek diote Álvaro Martins izan zela sortzailea, Bartolomeu Dias nabigatzailearekin Esperantza oneko lurmuturrera zihoala, beste batzuek aldiz Henrike Nabigatzailearen zerbitzuan zihoan Jácome de Bruges flandiarrak fundatu zuela. Edozelan ere badirudi honek Herbehereetako nekazari, arrantzale eta merkatariak ekarri zituen Azore uharteak kolonizatzera. Lehenengo populatzaileek bi badia txikiren arteko muinoa aukeratu zuten, Brasil mendiaren oinean. Kala horietako bat (Angra) hain sakona zen itsasontzi handiek ere bertan babesa har zezaketela.
1474an Álvaro Martinsek kalara zihoan ibaia desbideratu egin zuen errota baten gurpila mugitu zezan eta orduan hasi zen herriaren garapen ekonomikoa. Aldi berean herriaren oinarri kuadrangeluarra diseinatu zen ibaiak utzitako lekuan. Berehala kalaren inguruan etxeak eraiki ziren eta muinoaren gainean Moinhos gaztelua (erroten gaztelua). 1534ean hiri estatusa lortu zuen, bai eta apezpikutza ere.
XVI mendean Ekialdeko Indietarako geldiune garrantzitsua bihurtu zen eta kaia karabela eta galeoiez beteta egon ohi zen. Elizak, komentuak, jauregiak eta gotorleku militarrak eraiki ziren. Guimarãesko noblea zen Pero Anes do Canto (1480–1556) izan zen Terceira uharteko gotorlekuen agintaria eta Portugalgo koroak titulu heredagarria bihurtu zuen, Canto familia beraz hirurehun urtetan uharteko nagusia izan zen.
Portugalgo Gerra Zibilean (1828–1834) Azoreak liberalen alde agertu ziren eta esker onez Maria II.a Portugalgoak Heroísmo izena gehitu zion Angrari. 1836an Charles Darwin naturalista handia bertan izan zen munduari bira eman zion bidaia ezagunean.
1980ko urtarrilaren 1ean lurrikara izan zen eta Angrak kalte handiak jasan zituen. Lau urtetan berriztu zuten herria eta 1983an UNESCOk Gizateriaren Ondare izendatu zuen.
Geografia
[aldatu | aldatu iturburu kodea]Terceira uhartearen hegoaldeko kostaldean kokaturik dago. Mendebaldean Brasil mendia dauka, itzalita dagoen sumendi bat.
Banaketa administratiboa
[aldatu | aldatu iturburu kodea]Udalerriak (concelho) 19 parrokiatan (freguesia) banaturik dago:
|
|
Klima
[aldatu | aldatu iturburu kodea] | |||||||||||||
---|---|---|---|---|---|---|---|---|---|---|---|---|---|
Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
Erregistraturiko tenperatura maximoa (°C) | 20.2 | 20.2 | 20.6 | 21.6 | 23.7 | 25.5 | 29.2 | 28.6 | 28.7 | 25.9 | 25.0 | 21.2 | ' |
Batez besteko tenperatura maximoa (°C) | 16.2 | 16.1 | 16.5 | 17.3 | 18.8 | 21.1 | 23.9 | 25.1 | 24.0 | 21.3 | 18.7 | 17.0 | 19.7 |
Batez besteko tenperatura (ºC) | 14.1 | 13.8 | 14.2 | 14.9 | 16.3 | 18.5 | 21.0 | 22.2 | 21.3 | 18.9 | 16.5 | 14.9 | 17.2 |
Batez besteko tenperatura minimoa (°C) | 12.0 | 11.5 | 11.9 | 12.4 | 13.7 | 15.8 | 18.1 | 19.1 | 18.5 | 16.4 | 14.2 | 12.7 | 14.7 |
Erregistraturiko tenperatura minimoa (°C) | 3.7 | 4.2 | 3.8 | 5.7 | 8.8 | 10.2 | 12.5 | 14.4 | 12.4 | 8.8 | 7.6 | 5.5 | ' |
Pilatutako prezipitazioa (mm) | 107.6 | 110.1 | 107.8 | 85.7 | 72.3 | 55.2 | 29.1 | 48.3 | 89.7 | 115.6 | 122.8 | 155.1 | 1099.3 |
Prezipitazio egunak (≥ ) | 19.1 | 17.6 | 17.4 | 15.5 | 13.9 | 11.3 | 10.6 | 11.8 | 14.0 | 18.2 | 18.7 | 19.9 | 188 |
Iturria (1): Instituto de Meteorologia[1] | |||||||||||||
Iturria (2): Weatherbase[2] |
Ondasun nabarmenak
[aldatu | aldatu iturburu kodea]Angra do Heroísmoko erdigune historikoa1 | |
Angra do Heroísmo Brasil mendiaren oinean. | |
Mota | Kulturala |
Irizpideak | iv, vi |
Erreferentzia | 206 |
Kokalekua | |
Eskualdea2 | Europa / Ipar Amerika |
Izen ematea | 1983 (VII. bilkura) |
1 UNESCOk jarritako izen ofiziala (euskaratua) 2 UNESCOren sailkapena |
- Angra do Heroísmoko katedrala: XVII mendeko eliza.
- Moinhos gaztelua: XVI mendeko gaztelua.
- Gotorlekuak: Má Ferramenta, Negrito, Santo António do Monte Brasil, São João, São João Baptista, São Sebastião, São Mateus da Calheta... Guztira 23 gotorleku ditu.
- Bettencourt jauregia (gaur egun liburutegia).
- Brasil mendia.
Iruditegia
[aldatu | aldatu iturburu kodea]-
Angrako kaia.
-
Katedrala.
-
Moinhos gazteluko memoriaren monumentua.
-
Brasil mendia.
-
Bettencourt jauregia.
Herri eta hiri senidetuak
[aldatu | aldatu iturburu kodea]
|
|
Erreferentziak
[aldatu | aldatu iturburu kodea]- ↑ Instituto de Meteorologia. Normais Climatológicas - 1981–2010 (provisórias) - Angra do Heroísmo, Terceira. .
- ↑ Weatherbase. Historical Weather for Angra do Heroísmo, Portugal. .
Kanpo estekak
[aldatu | aldatu iturburu kodea]- (Portugesez) Angra do Heroismoko udalaren webgunea.