Gran Hotel (telesaila)
Gran Hotel (telesaila) | |
---|---|
Jatorria | |
Izenburua | Gran Hotel |
Jatorrizko hizkuntza | gaztelania |
Jatorrizko herrialdea | Espainia |
Sasoi kopurua | 3 |
Atalak | 39 |
Banatze bidea | eskatu ahalako bideo |
Ezaugarriak | |
Genero artistikoa | historical play (en) |
Grabazio lekua(k) | Magdalenako jauregia |
Antzezlea(k) | |
Ekoizpena | |
Konpainia ekoizlea | Bambú Producciones |
Emanaldia | |
Jatorrizko igorlea | |
Hasiera-data | 2011ko urriaren 4a |
Amaiera-data | 2013ko ekainaren 25a |
antena3.com… | |
Gran Hotel Bambú Produccionesek sortutako eta zuzendutako genero dramatikoko telesail espainiarra izan zen. Ramón Campos, Gema R. Neira eta Carlos Sedesek zuzendu zuten eta 2011ko urriaren 4an Antena 3 katean igortzen hasi zen. Seriea denboraldietan banatuta izan zen eta azken kapitulua 2013ko ekainaren 25ean igorri zen. Yon González eta Amaia Salamanca aktoreak izan ziren protagonista nagusiak, eta Adriana Ozores, Pedro Alonso eta Marta Larralde aktoreek parte-hartze nabarmenak ere badute.
Tele-seriea Kantabriako hainbat puntutan filmatuta dago Santanderreko Magdalenako jauregia agertoki nagusia izanik. Lehen emanaldian, 3,7 milioi ikusle gainditu zituzten, % 20 audientzia batekin.
Sariaren bigarren denboraldia 2012ko urtarrilean grabatzen hasi zen eta 2012ko urriaren 3an emititzen hasi zen. Juan Luis Galiardo, Sílvia Marsó, Andrea Trepat, Marian Arahuetes, Alfonso Bassave eta Víctor Clavijo aktoreek parte hartu zuten. Bigarren denboraldia 8 kapituluetan banatuta izan zen.
Hirugarren denboraldia 2013ko urtarrilaren 22an lehen aldiz eman zen, fikzio espainiarreko izen handien sartzeak kontuan hartuta: Lydia Bosch -hori bigarren denboraldiko azken denboraldietan agertu zen-, Lluís Homar, Megan Montaner eta Marta Hazas.
2013ko maiatzaren 31n, Antena 3 iragarri zuen serieak amaitzear zegoela. Atresmedia Corporación komunikazio taldeak, Bambú Producciones serieko ekoizlearekin batera, «Gran Hotel-k zikloa amaitu du kanalean». Fikzioari agur esanez 2013ko ekainaren 25ean.
Sinopsia
[aldatu | aldatu iturburu kodea]Gertakariak 1905. urtean kokatzen dira. Julio Olmedo (Yon González), gizon apala, Gran Hotel idilikora heldu da, Cantaloa izeneko herrixka batean kokatuta dagoena. Haren arreba Cristina (Paula Prendes) bisitatu nahian, hotelean lan egiten duena neskame gisa.
Hotelean bertan egonda, Julio ohartuko da duela hilabete bat baino gehiago igaro dela inork bere arreba non dagoen jakinda (hoteletik kanporatuta izan ostean, bezero baten ustezko lapurreta bategatik). Juliok Hotelean geratzea erabakitzen du zerbitzari moduan bere arrebaren desagertzea ikertzeko. Horrela, langileak ezagutuz joango da eta Alicia Alarcónekin (Amaia Salamanca) izango duen harremanari bide emango dio, Doña Teresaren (Adriana Ozores) alaba denarekin, hotelaren jabea hain zuzen ere.
Aliciak bere ikerketetan lagunduko dio Andresekin (Llorenç González) batera, gizon apala dena, hotelaren ardura duen emakumezkoaren semea dena (Concha Velasco), harekin, Juliok zein Aliciak oso harreman ona izango dute. Julio eta Alicia artean adiskidetasuna baino zerbait gehiago jaioko da, baina klaseen arteko ezberdintasunak oztopo ugari jarriko ditu haien harremanean. Elkarrekin, Hotelak ezkutatzen dituen gezurrak eta sekretuak azaleratuz joango dira.
Lehenengo denboraldia
[aldatu | aldatu iturburu kodea]Julio Olmedo Gran Hotelera heltzen da. Andres zerbitzariak ezagutzen duenean bere arreba Cristinari buruz galdetzen dio eta duela hilabete bat baino gehiago desagertuta daramala esaten dio. Julio Hotelean infiltratzen da zerbitzari moduan eta Andresen laguntzarekin. Alicia Teresa andrearen alaba ezagutzen du eta goi mailako pertsona batez aurkezten ari dela jakiten du, zergatia galdetzen dio eta bere arrebaren desagertzeari buruz hitz egiten dio eta elkarrekin arrastoak aurkitzen hasten dira.
Pertsonaiak:
[aldatu | aldatu iturburu kodea]- Julio Olmedo (Yon González): Kristinaren anaia, Gran Hotelera iristen da Cristina arreba bisitatzera, baina berehala konturatuko da desagertuta dagoela. Duela hilabete bat baino gehiago inork ez daki non dagoen. Horregatik, zerbitzari gisa infiltratuko da, zer gertatu zaion jakiteko. Alicia Alarcón andrearekin maiteminduko da, Diego jaunarekin konprometituta dagoena. Cristina hil ondoren, bere arrebaren hiltzailearen bila hasten da.
- Alicia Alarcón Aldecoa (Amaia Salamanca): Teresa andrea eta Carlos jaunaren alaba gazteena da, Sofiaren ahizpa eta Javierren arreba dena. Juliok Hotelera zergatik heldu den ohartu da eta bere laguntza eskaintzea erabakitzen du. Diego Murquia jaunaren emaztegaia da eta Cristina Olmedoren desagerpena ikertzen duten bitartean Julio Espinosarekin harreman bat sortuko da.
- Teresa Aldecoa andrea (Adriana Ozores): Carlos Alarconen alarguna, Sofía, Javier eta Aliciaren ama, eta hotelaren jabea. Manipulatzailea eta gezurti trebea da, hotela babesteko edozer egiteko gai dena. Diego Murquía, Gran Hoteleko zuzendari izendatu zuen eta bere alaba gazteena Alicia-rekin ezkontzeko hitz-emana onartu zuen, Aliciaren nahiaren kontra.
- Diego Murquía/ Adrián Vera Celande (Pedro Alonso): Alarcón familiako hotelaren zuzendaria, Teresa de Alarconen trikimailuetan egilekidea susmagarria. Alicia Alarcónen senargaia. Manipulatzaile gupidagabea da eta familiaren fortunaren bidez gizarte-egoera aldatu nahi du. Neskameekin harreman sexualak izaten ditu eta haietako bat haurdun geratuko da.
- Angela Slinas andrea (Concha Velasco): Hoteleko gobernatzailea, zerbitzuaren orden-errejidorea, oso zorrotza enplegatuekin eta Alarcón ffamiliaren mende. Andresen ama da eta hotelaren defendatzaile amorratua ere. Alarcon familiren zerbitzari leiala eta sekretu askoren kontserbadorea.
- Sofía Alarcón Aldecoa (Luz Valdenebro): Bergarako markesa, Teresa eta Carlosen alaba zaharrena, Javier eta Alicia arreba, eta Alfredo de Samaniego eta Ruizrekin ezkonduta, Vergarako markesa dena. Haurdun dago eta Alfredo aita izango duen seme bat espero du, baina berarekin izandako eztabaida batean eskaileretatik jausi zen umea galduz eta seme-alabarik izateko gaitasunik gabe geratzen da. Bere amarekin batera, Tersea andrea, haurdun jarraitzen duela esatea adosten dute eta Alfredo engainatzen dute bere semea ez den ume bat lortuz, Alejandro de Samaniego y Ruíz Alarcón izena izango duena.
- Javier Alarcón Aldecoa (Eloy Azorín): Teresa andrearen eta Carlos Alarcónen seme bakarra da. Familiako ardi beltza da andrezale-ospea duena. Borroketan, apustuetan eta droga-kontuetan sartuta dabil, beraz, serie osoan zehar gizahilketa eta gertakari ugarien susmagarri bihurtzen da.
- Alfredo Samaniego y Ruiz, Bergarako Markesa (Fele Martínez): Bergarako Markesa, Sofía Alarcón Aldecoarekin ezkonduta. Hotelaren zuzendaria eta lur-eremu batzuen jabea da. Belén zerbitzariaren semeari bere abizena ematen dio Sofía bere emaztea umea berea dela sinestarazten dionean.
- Andrés Cernuda Salinas / Alarcón Salinas (Llorenç González): Hotelaren zerbitzaria eta Ángela gobernantaren semea da. Julio izan zuen lehen laguna da eta bere arrebaren bilaketan zein Alarcón familiak dituen sekretuak ikertzen laguntzen dio. Belén neskameaz maiteminduta dago eta berarekin inoiz izan ez duen zoriontasuna bilatzen saiatzen da. Oso sineskorra, maitagarria eta pertsona ona.
- Belén Martín (Marta Larralde): Hotelean neskame moduan egiten du lan. Andrésekin ezkontzen da eta Andrés hotelaren oinordekoa dela konturatzen denean bikiak izaten ditu, nahiz eta bikiak Diego Murquiarenak izan Andrési berarenak direla sinestarazten dio. Bikietako bat Sofíari eman behar izaten dio eta bestea hil egiten da.
- Maite Ribelles (Megan Montaner): Aliciaren lagunik onena da eta abokatu trebea. Azkenean Andrésekin maitemintzen da.
- Benjamín Nieto jauna (Manuel de Blas): Hotelaren maitrea da eta azkenean urrezko ganibetaren hiltzailea dela jakiten da.
- Horazio Ayala detektibea (Pep Antón Muñoz): Detektibe trebea, bigarren denboraldian Teresa andrearen adiskideak direla eta agente izatera degradatzen dute. Pertsonaia Agatha Christieren Hercule Poirot pertsonaian oinarrituta dago.
- Hernando Agentea (Antonio Reyes): Zaingo gorputzaren parte da, baina pertsona adigakorra, inozoa eta despistatua da.
- Samuel Arriaga / Don Jesús Manzanos Cisneros (Lluís Homar): Hotelaren maitrea hirugarren denboralditik aurrera. Hotelera dator mendekuaren bila eta Julioren aliatua bihurtzen da.
- Lady Ludivina (Asunción Balaguer)
- Elisa andrea Samaniego y Ruízen alarguna, Bergarako markesa (Kiti Manver): Alfredoren ama.
- Sebastián (Iván Morales)
- Mateo (Dión Córdoba)
- Cristina Olmedo (Paula Prendes): Hotelaren neskamea da argiaren festa ostean desagertu zena eta Julioren arreba dena. Hilda egon zitekeela sinesten da Cantaloan egondako hilketak direla eta, baita Hotelaren barruan dauden sekretuak direla eta.
- Eugenia (Inma Cuevas): Alejandro jaunaren alaba, Javier Alarcónekin maitemintzen da, bere ahizparekin engainatzen dionarekin. Jeloskortasuna dela eta, bere ahizpa lehiotik botatzen du bere buruaz beste egin aurretik.
- Doña Mercedes Rovinia (Marta Calvó)
- Don Carlos Alarcón (Jordi Bosch): Alarconen patriarka, Hotelaren antzinako zuzendaria. Teresa andrearen hildako senargaia eta Sofía, Alicia eta Javierren aita.
- Gonzalo Alarcón (Alfonso Bassave)
- Don Ernesto Varela (Juan Luis Galiardo): Hotelaren maitrea bigarren denboraldiaren zehar.
- Isabel (Marian Arahuetes): Hotelaren neskame analfabetoa Julio Olmedorekin maitemintzen dena.
- Adriana andrea (Sílvia Marsó)
- Camila (Andrea Trepat)
- Jesús Taberner (Tato Loché)
- Beatriz (Vanessa Rius)
- Inés (Paula Ovejero)
- Fernando Llanes / Ángel Alarcón Salinas (Víctor Clavijo)
- Beatriz andrea, Villalbako baroisa (Cristina Brondo)
- Garrido (Miguel Mota): Diego Murquíaren laguntzailea eta Julio eta Aliciari xantaia egiten die.
- Laura Elvira Montenegro Rovinia (Marta Hazas)
- Grau Aita (Roger Coma): Sofía andrearen maitalea.
- Catalina (Elena Tarrats): Haurdun dagoen neskamea Teresa andreagatik erreklutatuta bere semearekin egoteko. Cristina Olmedo hildakoaren gorputza aurkitu ostean hoteletik alde egiten du Teresa andrea beste hotel batean lan egitera behartu duelako.
Kanpo estekak
[aldatu | aldatu iturburu kodea]- Amaia Salamancak antzeztutako telesailak
- Yon Gonzálezek antzeztutako telesailak
- Pedro Alonsok antzeztutako telesailak
- Adriana Ozoresek antzeztutako telesailak
- Concha Velascok antzeztutako telesailak
- Fele Martínezek antzeztutako telesailak
- Pep Anton Muñozek antzeztutako telesailak
- Bambú Produccionesek ekoitzitako telesailak
- Espainiako telesailak
- Gaztelaniaz egindako telesailak
- Antena 3en telebista saioak
- Polizia-telesailak
- 1900eko hamarkadan girotutako telesailak
- Kantabrian girotutako telesailak