Errabia-belarra edo sagu-belarra (Hieracium pilosella) Asteraceae familiako landarea da, Europan eta iparraldeko Asian jatorria duena. Konposatuen familiako belar landarea hau aski arrunta da.[1]
Hostoen erroseta batetik 30 cm inguruko zurtoina ateratzen da eta puntan infloreszentzia hori bat du. Hostoak eta zurtoina ile zurixkaz estalita daude. Loreak 1,8-2,2 cm diametroa du eta udan agertzen da, maiatza eta iraila artean.
Oinarritik estoloi luze finak ateratzen ditu eta landare berriak sortzen dira horrela.