FK Vojvodina
Ezizena(k) | Lale ("tulipanak") Stara dama ("andre zaharra") | ||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Sorrera | 1914 | ||||||||||||||||||||||||||||||||
Futbol zelaia | Karađorđe Stadium edukiera: 15.000[1] lagun inaugurazioa: 1924 | ||||||||||||||||||||||||||||||||
Presidentea | |||||||||||||||||||||||||||||||||
Entrenatzailea | |||||||||||||||||||||||||||||||||
Liga | Serbiako SuperLiga | ||||||||||||||||||||||||||||||||
2023-24 | 4.a | ||||||||||||||||||||||||||||||||
Webgunea | www.fkvojvodina.rs | ||||||||||||||||||||||||||||||||
|
FK Vojvodina (serbieraz Фудбалски клуб Војводина, Fudbalski Klub Vojvodina) Serbiako futbol talde bat da Novi Sad hirikoa. Jugoslavian 2 Liga eskuratu zituen eta Serbian Kopa bat. Mitropa Kopa ere irabazi zuen 1977an.
Historia
[aldatu | aldatu iturburu kodea]Ehun urte bete berri ditu taldeak 1914ean sortu baitzen Novi Sad hirian. Serbiako hirugarren futbol talde zaharrena da. Serbiako Institutu ortodoxoko ikasleek eratu zuten hiriko intelektual eta artisauen laguntzarekin. Ixilpean eratu zen, Austria-Hungariako Inperioko agintariek srerbiar gazteen elkarteak debekatu baitzituzten Vojvodina eskualdean.
1918an Serbiak independentzia lortu zuen. Lehen Mundu Gerraren garaian Vojvodinako jokalari batzuk Pragan ari ziren ikasten eta SK Slavia Pragan ere jokatu zuten. Honen ondorioz talde txekiarraren janzkera hartu zuen taldeak.
Jugoslaviako aroa
[aldatu | aldatu iturburu kodea]30. hamarkadaren bukaeran fitxaje handiak egin zituen eta Milloidunen taldea ezizena hartu zuen. 1941ean Jugoslaviako liga irabaztear egon zen. Bigarren Mundu Gerran Novi Sad hiria Hungariara pasatu zuten naziek eta serbioen aurkako genozidioak gertatu ziren. "Novi Sadeko masakrea" izenaz ezagutzen da. FK Vojvodinari dagokionez taldea debekatu eta ondasun guztiak konfiskatu zizkioten.
1946an agintari komunistek Novi Sadeko hiru talde elkartu (Vojvodina, Slavija eta Radnički) eta Sloga Novi Sad sortu zuten. 1948an Jugoslaviako lehen mailara igo zen. Zaleen presioaren ondorioz FK Vojvodina izena berreskuratu zen. 1951ean Jugoslaviako kopako finalera iritsi zen.
1962an Jugoslaviako ligarren bigarren izan zen eta 1966an lortu zuen Liga garaipena, bigarren izan zen Dinamo Zagrebi 8 puntu aterata. Hurrengo urtean Europako Kopako final laurdenetara iritsi zen baina Atlético Madrilek kanporatu zuen etxean 3-1 irabazi arren Madrilen 2-0 galdu ondoren.
70. hamarkadan Nazioarteko bi titulu eskuratu zituen, 1976an Intertoto Kopa eta 1977an Mitropa Kopa ospetsua. 80. hamarkadan goiko postuetan egin zituen lehenengo ligak baina 1986an bigarren mailara jeitsi zen. Berehala lehen mailara itzuli eta 1989an lortu zuen Jugoslaviako bigarren liga irabaztea.
Serbiako aroa
[aldatu | aldatu iturburu kodea]1993tik aurrera Partizan eta Izar Gorriaren atzetik egon izan da, eta 10 aldiz gelditu da hirugarren postuan ligan. "Betiko hirugarrena" ezizena hartu du. 2009an bigarren egin zuen. Lortu duen titulu bakarrak Kopan izan dira, 2014an eta 2020an.
Palmaresa
[aldatu | aldatu iturburu kodea]Jugoslavian: 2
[aldatu | aldatu iturburu kodea]- Jugoslaviako Liga (2): 1966, 1989.
- Jugoslaviako Kopa (0): finalista 1951an.
Serbian: 2
[aldatu | aldatu iturburu kodea]- Serbiako Liga (0): bigarren 2009an.
- Serbiako Kopa (2): 2014, 2020.
Nazioartean: 2
[aldatu | aldatu iturburu kodea]- Europako Kopa (0): final laurdenak 1967an.
- Mitropa Kopa (1): 1977
- UEFA Intertoto Kopa (1): 1976
Kanpo estekak
[aldatu | aldatu iturburu kodea]- (Serbieraz) Webgune ofiziala