Hendaiako kirol-portua
Hendaiako kirol-portua Lapurdiko Hendaia udalerrian dagoen kirol-portua da, Bidasoa ibaiaren bokalean eta Txingudi badian, Hondarribia udalerriaren parean.
Txingudiko badiaren bihurgune eguzkitsu dago, Bidasoaren bokaleko eskuinaldeko ertzean, kai‑muturra Ramon Iribarrena irundar ingeniari entzutetsuaren proposamena onetsita eraiki zuten, Ondarraitz hondartzaren iparraldeko muturrean harea egonkorragoa dela eta nabigazioa ere seguruagoa dela.
Itsas kirol zaletasunak gero eta ugariagoak direnez, gune horretan dago Club Náutico de Hendaye elkartea, ontzi motordunak eta belaontziak alokatzeko aukera ematen duena.
Izokinen arrantza, Bidasoan oso antzinakoa dena, ibaiaren kutsadura dela‑eta gainbeheran dago, nahiz eta berreskuratze saiakerak egiten ari diren. Angulekin beste horrenbeste gertatzen da. Irunen egoitza duen Bidasoko Izokinaren Kofradiak izokinak goraipatzen ditu, eta Hendaiako Angularen Kofradia angulen aldekoa da. XX. mendearen hasieran bazegon Bidasoko izokinaren esportazioan jarduten zuen enpresa bat.
Erreferentziak
[aldatu | aldatu iturburu kodea]- Artikulu honen edukiaren zati bat Euskal Herri Enblematikoa entziklopediako Itsasoko Historia. Euskal Kostaldeko Gida. liburutik txertatu zen 2014-12-18 egunean. Egile-eskubideen jabeak, Eusko Jaurlaritzak, liburu hori eta entziklopedia horretako beste zenbait Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q18648728
Multimedia: Port of Hendaye / Q18648728
|
Euskal Herriko kirol-portuak |
|
|---|---|---|
|
Armintza • Bermeo • Deba • Donostia • Ea • Elantxobe • Getaria • Getxo • Hendaia • Hondarribia • Lekeitio • Mutriku • Ondarroa • Orio • Plentzia • Santurtzi • Zumaia | ||