Himalia taldea
Appearance
Himalia taldea Jupiter planetaren bost satelite nahiko txikik osatzen duten talde bati deritzo. Bost sateliteek mugimendu zuzeneko urruneko orbitak dituzte, Jupiterrengandik 11 milioi eta 13 milioi kilometro arteko distantziara daudelarik. Gainera, euren orbitak, Jupiterren ekuatore planoarekiko oso okertuak dira, 26,6º eta 28,3º bitartean.
Satelite hauek satelite irregular bezala sailkatzen dira, euren orbitak Eguzkiaren grabitateak asko perturbatzen baititu. Bost ilargi hauen orbita elementuak oso antzekoak dira, oso urruneko garai batean objektu bakar bat osatu zutela suposarazten duena, beranduago, talka handi baten ondorioz hautsi zena.
Talde hau honako 5 sateliteek osatzen dute:
- Himalia, taldeko ilargirik handiena, 170 kilometroko diametroarekin, eta taldeari izena ematen diona.
- Leda, 20 kilometroko diametroa duena.
- Lisitea, 36 kilometroko diametroa duena.
- Elara, 86 kilometroko diametroa duena, taldeko bigarren ilargirik handiena delarik.
- S2000/J11, taldeko ilargirik txikiena, 4 kilometroko diametroarekin, berriki aurkitu dena.