Jeanne Ündüreine

Jeanne Ündüreine
Bizitza
Jaiotza	Hauze eta Ündüreine, 1701eko azaroaren 9a
Herrialdea	Zuberoa
Heriotza	ezezaguna (322 urte)
Jarduerak
Lan nabarmenak	ikusi Maitia, nun zira

Undureine

Jeanne Ündüreine (Ündüreine, Hauze, Zuberoa, 1701eko azaroaren 9a - ?) Zuberoako nobleziako emakume izan zen XVIII. mendean, neska protagonista Maitia, nun zira abestian.

Piarres Lafittek argitaratu zuenez, 1701eko azaroaren 9an Hauzeko elizan bataiatutako Jeanne Ündüreine emakumeari eginiko kanta da Maitia, nun zira. Aitoren semea zuen aita, Ündüreineko jauna; eta ama ere, aitoren alaba, Zibozekoa.

Zuberoako aitoren alaba gehientsuenak bezala, Jeanne haurra Oloroeko komentu batean hezi zuten. Hain etxe oneko neskatxa ezkontzeko adinetara heltzearekin, hartaz gizon gazte anitz agradatuko ziren. Ororen artetik, hautatu zuen Mixel de Reyau, zuberotar aitoren semea bera ere. Baina hautu hori ez zuen gogoko Jeanneren aitak. Bere baimena errefusatu zuen, eta, kantoreak dioenez, alaba berriz komentuan ezarri. Mixelen auhenak eta Jeanneren erantzunak jasotzen bide ditu, beraz, abestiak.

Lafittek eginiko ikerketen arabera, aitak barkatu zion alabari: azkenean, Jeanne gaixoa ohorezki ezkondu zen.

Horrela hasten da kanta:

Mixel:

Maitia, nun zira?

Nik etzütüt ikusten

ez berririk jakiten

nurat galdü zira? [bis]

Ala khanbiatü da

zure deseiña?

Hitzeman zenereitan

ez behin, bai berritan

enia zinela! [bis]

Jeanne:

Ohikua nüzü

ez nüzü kanbiatü

bihotzian beinin hartü

eta zü maitatü. [bis]

Aita jeloskor batek

dizü kausatü.

Zure ikustetik

gehiago mintzatzetik

hark nizü pribatü. [bis]

Kanpo estekak

Wikitekan badira testuak, gai hau dutenak: Jeanne Ündüreine

• Dulce Pontesek eta Kepa Junkerak abestutako bertsioa, entzungai.
• 2003ko ETBko Kantu Zaharrak saioan abestutako bertsioa, entzungai.

• Datuak: Q111884867