Lesley Sibner
| Lesley Sibner | |
|---|---|
| Bizitza | |
| Jaiotza | New York, 1934ko abuztuaren 13a |
| Herrialdea |  Ameriketako Estatu Batuak |
| Heriotza | 2013ko irailaren 11 (79 urte) |
| Hezkuntza | |
| Heziketa | Zientzia Matematikoen Courant Institutua New Yorkeko Unibertsitatea |
| Tesi zuzendaria | Lipman Bers Cathleen Synge Morawetz (mul)  |
| Doktorego ikaslea(k) | Ali Arouzi (en) Yoshiyuki Yamamoto (en) Thomas H. Otway (en) Penny Dorothy Smith (en) John T. Masterson (en) |
| Jarduerak | |
| Jarduerak | matematikaria eta antzerki aktorea |
| Enplegatzailea(k) | New York University Tandon School of Engineering (en) |
| Jasotako sariak | |
| Kidetza | Ameriketako Matematika Elkartea |
Lesley Sibner (New York, Ameriketako Estatu Batuak, 1934ko abuztuaren 13a - 2013ko irailaren 11) matematikaria izan zen.
Bizitza
[aldatu | aldatu iturburu kodea]Antzerkian karrera laburra egin ondoren, New Yorkeko Arte Ederretako Udal Eskolako gradua eskuratu zuen 1959an. Geroago zaletu zen matematikarekin, kalkulu-ikastaro batean parte hartu ondoren. Udal Eskolan ikasten ari zen bitartean matematikari batekin ezkondu zen, eta horrela Matematika Zientzietako Courant Institutuan hasi zen ikasten, eta 1964an doktoregoa eskuratu zuen. Stanford Unibertsitatean (l965-l966), Parisko Henri Poincaré Institutuan (1966-1967) eta Radcliffe Collegen (1990-1991) jardun zuen bekadun eta irakasle gisa, baina 1967tik aurrera Brooklyngo Unibertsitate Politeknikoan aritu zen nagusiki.
Lehenengo lan garrantzitsuak ekuazio mistoei buruz egin zituen, eta bere karrera guztian analisian, batez ere ekuazio diferentzial partzialen atalean, nabarmendu zen. Eragin handia izan zuen Sibnerren lanean Michael Atiyah eta Raoul Bott ezagutu izanak Ikerketa Aurreratuen Institutuan ari zen garaian (1971-1972). Geometriako problemak analisiaren bidez ebazten ahalegindu zen, eta ekuazio integraletarako froga bat asmatu zuen. 1980ko hamarralditik aurrera geometrian murgildu zen buru-belarri, eta Yang-Mills eta Yang-Mills-Higgs ekuazioen frogen inguruko lanak egin zituen.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
