Lutxanako geltokia
Lutxana | |||||||||||||||
---|---|---|---|---|---|---|---|---|---|---|---|---|---|---|---|
Lineak | |||||||||||||||
| |||||||||||||||
Kokapena | |||||||||||||||
Helbidea | San Jose auzoa, 16; 48950 | ||||||||||||||
Udalerria | Erandio, | ||||||||||||||
Geltokiaren datuak | |||||||||||||||
Kodea | LUT | ||||||||||||||
Gunea | 2. gunea | ||||||||||||||
Irekiera | 1995ko azaroaren 11 (Metro) 1893ko maiatzaren 1.a (Euskotren) 2015eko ekainaren 1.a (Euskotren) | ||||||||||||||
Itxiera | 1997ko urtarrilaren 1.a (Euskotren) | ||||||||||||||
Bidaiariak | Metro: 524.759 (2016)[1] | ||||||||||||||
Irisgarria | |||||||||||||||
Zerbitzuak | |||||||||||||||
Aldageltokia | |||||||||||||||
Nasak | Metro: 2 Euskotren: 1 | ||||||||||||||
Trenbideak | Metro: 2 Euskotren: 2 | ||||||||||||||
Jabea | Euskal Trenbide Sarea Bizkaiko Garraio Partzuergoa | ||||||||||||||
Eragilea | Metro Bilbao Eusko Trenbideak | ||||||||||||||
Garraio zerbitzuak | |||||||||||||||
EuskoTren | |||||||||||||||
Metroa | |||||||||||||||
Bizkaibus | A2314 Bilbo - Erandiogoikoa - EHU A3411 Bilbo - Getxo - Azkorri |
Lutxana Bilboko metroaren 1. lineari eta Euskotrenen Lutxana-Sondika anezka lineari dagokien lurgaineko tren geltokia da, Erandio udalerriko izen bereko auzoan kokatuta dagoena. Euskotrenen geltokia 1893ko maiatzaren 1.an ireki zen lehen aldiz, eta 1997ko urtarrilaren 1.an zerbitzu emateari utzi zion. Geroago, 2015eko ekainaren 1.an, zerbitzuan jarri zen berriro. Bestalde, Metro geltokia 1995ko azaroaren 11n ireki zen. Bizkaiko Garraio Partzuergoaren 2. tarifa-gunean dago.
Geltokiak bi nasa ditu, bata izkinekoa, metroari zerbitzu ematen diona; eta bestea zentrala, metroak zein Euskotrenek erabiltzen dutena; eta lau trenbide, bina metroak eta Euskotrenek erabiliak. Garraioen arteko aldaketei dagokionez, Euskotren eta Etxebarri helmuga duten metroen arteko garraio aldaketak nasa zentralaren bitartez egiten dira. Aldiz, Euskotren eta Plentziako norabidea duten metroen arteko aldaketak, eta baita metro sare barruko aldaketak egiteko ere, geltokitik kanpo irten behar da. Geltokiaren kanpoaldean doako aparkalekua dago.
Bilboko Renfeko Aldirien sarean izen bereko geltokia dago. Azken hau, Barakaldoko Lutxana auzoan dago, Bilboko itsasadarraren kontrako aldean.
Kokapena
[aldatu | aldatu iturburu kodea]Trenbide kokapenari erreparatuz, geltokia, itsas mailatik 7,43 metrora, hurrengo trenbideen parte da:
- Zabalera metrikoa duen Lutxana-Sondika trenbidea, 0,000. puntu kilometrikoan kokatuta.[2]
- Zabalera metrikoa duen Bilbo-Plentzia trenbidea, 7. puntu kilometrikoan kokatuta.[3]
Sarbideak
[aldatu | aldatu iturburu kodea]Geltokiak eskailera, arrapala eta igogailu bidezko sarbideak ditu.
Historia
[aldatu | aldatu iturburu kodea]1893ko maiatzaren 1.an Lutxana-Mungia trenbidearen lehenengo tartea inauguratu zen, Lutxana eta Artebakarra artean.[4]
1995ko azaroaren 11n Bilboko metroaren 1. linea inauguratu zen, eta geltokia Metroa eta Euskotrenen arteko aldageltoki bilakatu zen.
1997ko urtarrilaren 1.an, bidaiarien eskari baxua aitzaki, Euskotrenek Lutxana-Sondika trenbidean bidaiari zerbitzua eskaintzeari utzi zion, eta geroztik 2015eko ekainera arte trenak geltokiaren ondoan dauden kotxetegi eta tailerretara besterik ez ziren heltzen.
2015eko ekainaren 1.an, Bilboko metroaren 3. linearen eraikitze-lanen ondorioz, Euskotrenek berriro ere martxan jarri zuen Lutxana eta Sondikako geltokien arteko tartea, Txorierriko linearen barruan. Metro linea berriaren lanek eraginda Zazpikaleetako geltokian Euskotrenen zerbitzua etenarazi zen, eta lanak jarraitu bitartean tren bezeroei zerbitzu emateko Lutxana-Sondika trenbidea berriro martxan jarri zen.[5]
2017ko apirilaren 8an Metroaren 3. linea ireki ondoren, Lutxana eta Sondika arteko trenbidea irekita mantentzea erabaki da, anezka zerbitzua eskainiz.
Urte bereko abenduaren 4an txartel-salmenta makina automatiko berriak ezarri ziren geltokian, mugikortasun urriko pertsonentzako irisgarritasun materian estandarrak bete, entzuteko desgaitasuna duten pertsonentzako T moduko bukle magnetikoa, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea dutenak.[6]
Lotunea
[aldatu | aldatu iturburu kodea]Geltokitik 100 metrora bi autobus geraleku daude. Hurrengo lineak geralekuetatik pasatzen dira:
Bizkaibus | A3411 | BILBO Zabalkunde plaza (Mapfre) |
ERANDIO Erandioko Erribera - Jose Luis Goioaga - Altzaga (pasaia) - Jose Luis Goioaga (Axpeko dartsena) - Axpeko erribera - Udondoko dartsena - LEIOA Lamiako Pasai - GETXO Eduardo Coste - Bizkaia Zubia - Zugazarte 2 (Marítimo) - Zugazarte 38 (Reparadoras) - Zugazarte 54 (Triángulo) - Algortako etorbidea 12 (Regoyos) - Algortako etorbidea 16 (Txomintxu) - Algortako etorbidea 32 (San Ignacio) - Algortako etorbidea 74 (kasinoa) - Telletxe 2 (Algortako geltokia) - Telletxe 40 - Aingeruaren etorbidea 18 - Aingeruaren etorbidea 34 (La Venta) - Zientoetxe 4 (Palacio) - Zientoetxe 16 (Karmelitak) - Zientoetxe 20 (Martiturri) - Zientoetxe 28 (Saratxaga) - Zientoetxe 42 (Moreaga) | GETXO Askorri |
Bizkaibus | A3411 | GETXO Askorri / Andra Mari |
BILBO Lutxana (Elorrietako erribera) - Elorrietako erribera - San Ignazio (Lehendakari Agirre 161) - San Ignazio (Lehendakari Agirre 147) - San Ignazio (Lehendakari Agirre 131) - Sarriko (Lehendakari Agirre 83) - Bidarte (Lehendakari Agirre 33) - San Pedro plaza - Deustuko Unibertsitatea (Pio X plaza) - Museo plaza | BILBO Zabalkunde plaza (Mapfre) |
Argazki galeria
[aldatu | aldatu iturburu kodea]-
Euskotren eta Metro Bilbaoren trenak geltokian
-
Euskotrenen trena geltokian
-
Geltokiaren ikuspegia
-
Euskotrenen trena nasara heltzen
Erreferentziak
[aldatu | aldatu iturburu kodea]- ↑ Bizkaiko Garraio Partzuergoa. «2016ko Bizkaiko Garraio Publikoari buruzko txostena» (Noiz kontsultatua: 2017-10-28).
- ↑ (Gaztelaniaz) Spanish Railway » Blog Archive » Ferrocarril de Luchana a Munguía (Suburbanos de Bilbao). (Noiz kontsultatua: 2017-10-29).
- ↑ (Gaztelaniaz) Spanish Railway » Blog Archive » Ferrocarril de Bilbao a Las Arenas y Plencia (Suburbanos de Bilbao). (Noiz kontsultatua: 2017-10-29).
- ↑ (Gaztelaniaz) Spanish Railway » Blog Archive » Ferrocarril de Luchana a Munguía (Suburbanos de Bilbao). (Noiz kontsultatua: 2017-10-27).
- ↑ Euskotren. «ekainaren 1etik aurrera garraio aldaketa Txorierriko linean 3. lineako obrak direla eta» (Noiz kontsultatua: 2015-03-31).[Betiko hautsitako esteka]
- ↑ Irekia. «Irekia - Euskotrenek salmenta automatikoko sistema ikusteko desgaitasuna duten pertsonentzako egokitu du» www.irekia.euskadi.eus (Noiz kontsultatua: 2018-09-04).
Ikus, gainera
[aldatu | aldatu iturburu kodea]- Lutxana (Erandio)
- Erandio
- Lutxana-Sondika trenbidea
- 1. linea (Bilboko metroa)
- Bilboko metroa
- Euskotren Trena
- Bizkaibus
Kanpo estekak
[aldatu | aldatu iturburu kodea]Euskarazko Wikipedian bada atari bat, gai hau duena: Euskal Wikiatlasa |