Nada (eleberria)

Nada
Datuak
Idazlea	Carmen Laforet (1944)
Argitaratze-data	1940
Generoa	Eleberria
Jatorrizko izenburua	Nada
Hizkuntza	Gaztelania
Herrialdea	Espainia
Bilduma	Áncora y delfín
ISBN	9788423309894
OCLC	491657196

Carmen Laforet, marrazki batean irudikatua

Nada 1944. urtean Carmen Laforetek argitaraturiko eleberria da. Nadal sariaren irabazlea, «El Mundo» egunkariak XX. mendeko ehun eleberri onenen artean sailkatu zuen.^[1]

Eleberriaren ibilbidea

Nobela hau existentzialismoaren baitan kokatu izan dute akademikoek. Egileak 23 urte zituen Nada kaleratu zuenean, eta, eleberriak arrakasta handia ekarri zion arren (hiru edizio izan zituen plazaratu zen urtean bertan), Laforeten ospea apaldu samarrik geratu zen aurrerantzean, ez baitzuen lortu lehen eleberri haren bultzada ibilbide literario bete baten abiaburu bilakatzerik.^[2]

1947an Edgar Neville zuzendariak izen bereko filma grabatu zuen.

Sinopsia

Oharra: Atal honek istorio osoa edo amaiera argitzen du.

Andrea, Espainiako Gerra Zibila amaitu eta berehala, Bartzelonara ikastera doan emakume gaztea da. Amonaren etxera ailegatzear, gogo guztiak zapuztuko zaizkio. Aribau kaleko etxebizitza honetatik hiriko bortizkeria eta gosea ezagutuko ditu.