Nemesio Otaño
Nemesio Otaño | |
---|---|
Bizitza | |
Jaiotza | Azkoitia, 1880ko abenduaren 19a |
Herrialdea | |
Heriotza | Donostia, 1956ko apirilaren 29a (75 urte) |
Hobiratze lekua | Polloeko hilerria |
Hezkuntza | |
Heziketa | Loiolako Santutegia |
Hizkuntzak | gaztelania |
Irakaslea(k) | Felip Pedrell |
Jarduerak | |
Jarduerak | musikagilea, musikologoa, musika-irakaslea, idazlea eta organista |
Enplegatzailea(k) | Comillasko Pontifize Unibertsitatea Madrilgo Goi Mailako Errege-Musika Kontserbatorioa (1940 - 1951) |
Kidetza | San Fernandoko Arte Ederren Errege Akademia |
Musika instrumentua | organoa |
Sinesmenak eta ideologia | |
Erlijioa | katolizismoa |
Erlijio-ordena | Jesusen Konpainia |
Nemesio Otaño Egino (Azkoitia, Gipuzkoa, 1880ko abenduaren 19a - Donostia, Gipuzkoa, 1956ko apirilaren 29a) musikagilea, organo-jotzailea, abesbatza zuzendaria eta musikologoa izan zen. Gainera, kultur sustatzailea, kazetaria eta irakaslea ere izan zen. Nemesio Otañok egin zuen San Ignazioren martxa ospetsuaren musika.
Bizitza
[aldatu | aldatu iturburu kodea]14 urte besterik ez zuenean eman zituen argitara pianorako lehen bi lanak: Letanías eta zortziko bat. Jesusen Konpainian sartu zen 1896. urtean.
1903. urtean Valladoliden zen, eta garai hartan hasi zen musika eta folklorea sakonean aztertzen. 1907. urtean Valladoliden ospatu zen Erlijiozko Musikako Lehen Kongresua antolatu eta bideratu zuen. Garai hartarako 50 erlijio lan inguru idatziak zituen. Revista Sacro Hispana aldizkaria bihurtuko zen Boletín Diocesano de Música agerkaria sortu zuen.
Comillasen jarri zen bizitzen 1912. urtean, eta Schola Cantorum abesbatza osatu eta zuzendu zuen hango unibertsitatean.
Donostian bizi izan zen 1922-1931 urteetan eta Centro Cultural Femenino, Círculo de Caballeros eta San Inazio eskola sortu zituen, egoitza horietan kontzertuak antolatzen zituela. Euskal Suite bat eta La montaña, La molinera, Cantantibus Organis, Canción del carretero eta Basa txoritxu abesbatzetarako obrak idatzi zituen urte haietan.
Madrilgo Kontserbatorioko folklore irakasle izendatu zuten 1940. urtean, eta San Fernandoko Arte Ederretako akademiko 1943an.
Kanpo estekak
[aldatu | aldatu iturburu kodea]- (Gaztelaniaz) «Nemesio Otaño y Eguino», Auñamendi Entziklopedia.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.