Jann Hinrich Andresen
Jann Hinrich Andresen (* 29. Janewoore 1826 uun Ööwenem üüb Feer, † 7. Maarts 1894 uun Porto, Portugal) wiar en kuupmaan uun Porto (Portugal). San portugiisk nööm wiar João Henrique Andresen.
Famile
[Bewerke | Kweltekst bewerke]Jann Hinrich wiar en dring faan Thomas Andresen (* 6. Maarts 1784, Feer) an Thurke Andresen (bäären Poppen, * 8. Mei 1784, Feer).
Jann Hinrich hää Maria Leopoldina Andresen (bäären Guimarães de Brito, * 20. September 1834 uun Braga, Portugal) freid. Jo hed mäenööder aacht jongen. Det wiar João Henrique, Alberto Henrique, Olinda de Brito, Júlio Henrique, Inês an trii öödern.
João Henrique (di jonger) wiar di ualaatj faan Sophia de Mello Breyner Andresen, ian faan a wichtagst skriiwern faan Portugal.
Leewent
[Bewerke | Kweltekst bewerke]1840 kaam Jann Hinrich Andresen üs 14 juar ual dring mä en skap uun Porto uun. Fiiw juar leeder hää hi 19 juar ual en hanelshüs för puurtwin grünjlaanj. 100 juar loong as det onernemen faan't famile Andresen feerd wurden. 1942 as't ferkääft wurden tu di portugiisk winbüür Albino Peirera dos Santos. Daalang hiart det onernemen di enkeldring Carlos Flores dos Santos. Andresen as ian faan a leetst puurtwinonernemen, diar noch üs familinbedriif feerd wurd.