Ludwig Ingwer Nommensen
Ludwig Ingwer Nommensen (* 6. Februar 1834 aw dåt frasch ailönj Nordströnj; † 23. Moi 1918 önj Sigumpar, Sumatra) wus di frasche misjonåår foon da Bataker aw Sumatra (Indonesien).
Lääwent
[Bewerke | Kweltekst bewerke]Nommensen öntståmt en eerm famiili än öntslüütj ham aw grün foon en swåår krunkhäid as tweelweniirige, misjonaar tu wården.
1857 trätj hi önj Wuppertal-Barmen dåt seminoor foon e riinische misjoon önj. Di een for jül 1861 wörd hi eefter Sumatra önjtsånd. Deer leet hi ham 1864 önj dåt huucgdool Silindung dil. Önj e august 1865 köö hi da jarste famiili krasne. Ouers dåt wåård nuch maning iirnge, iir grutere grupe foon da Batakere har foon jare animistische religjoon schåsden än har krasne leeten.
Önj en oudere misjoonsfaase (ca. 1881-1903) misjoniirde hi bai e Toba-siie önj et norden foon Sumatra. Hiir häi hi uk foole luk.
Önj sin düüsiir teeld jü Batak-schörk (sunt 1930 "Huria Kristen Batak Protestant") 180.000 lasmoote önj süwat 500 gemiinde.
Literatuur
[Bewerke | Kweltekst bewerke]- Werner Raupp: NOMMENSEN, Ludwig Ingwer. In: Biographisch-Bibliographisches Kirchenlexikon (BBKL). Band 6, Bautz, Herzberg 1993, ISBN 3-88309-044-1, Sp. 1002–1006.