Witj Sia-Uastsia-Kanaal
A Witj Sia-Uastsia-Kanaal (rüsk Беломо́рско-Балти́йский кана́л; amskrewen Belomorsko-Baltijskij kanal, BBK, rüsk Беломорско-Балтийский канал; bit 1961 Stalin-Witj Sia-Uastsia-Kanaal, kurt Belomorkanaal) as en kanaal, di at Witj Sia mä a Uastsia ferbanjt. Hi as 227 km lung an lingt faan Belomorsk uun't nuurden bit tu a Onegasia uun't süüden. Faan diar gongt'at do üüb natüürelk weederwaier widjer bit Sankt Petersburg. Diar kön skeb bit 5.200 t üüb keer. Auer wonter woort hi faan isbreegern freihäälen, of hi as sacht.
Di hialer kanaal as uun knaap tau juaren faan 1931 bit 1933 baud wurden. Stalin hää diar tjiindüüsenen faan iinsperet minsken för iinsaat, diar uun a Gulag, a suart hööl faan't sowjetisk gehiampolitsei OGPU iinsperet wiar.
Ferluup
[Bewerke | Kweltekst bewerke]- Belomorsk
- Stausia Wygosero
- Telekino Sia - Matkosero Sia - Wolosero Sia, mä trii slüüsen (09-07)
- Powenets
- Sääks slüüsen üüb 12 km (06-01)
- Onegasia
- Struum Swir
- Ladogasia
- Struum Newa
- Sankt Petersburg
Luke uk diar
[Bewerke | Kweltekst bewerke]Ööders wat
[Bewerke | Kweltekst bewerke]Belomorkanal wiar en sigaretenmarke tu sowjet-tidjen. Det wiar wel a starkst sigareten faan a welt.