Ana Foxxx
Ana Foxxx | ||
persoanlike bysûnderheden | ||
oare artyste- nammen |
Ana Foxx, Ana Fox, Anna Foxxx | |
echte namme | Savana Maisah Johnson | |
nasjonaliteit | ||
berne | 29 oktober 1988 | |
berteplak | Rialto (Kalifornje) | |
etnisiteit | ||
wurkpaad | ||
wurksum as | neakenmodel, pornoaktrise, escort | |
jierren aktyf | 2011 – no | |
offisjele webside | ||
gjint |
Ana Foxxx, echte namme Savana Maisah Johnson (Rialto (Kalifornje), 29 oktober 1988) is de skûlnamme fan in Amerikaansk earder fotomodel dat no wurksum is as neakenmodel en pornografysk aktrise. Hja is fan Afro-Amerikaansk etnysk komôf, en har namme wurdt ek wol misstavere as Ana Foxx, Ana Fox of Anna Foxxx. Neffens har offisjele opjefte is se 1.75 m lang, mei in gewicht fan 59 kg en kupmaat 34C.
Libben en karriêre
[bewurkje seksje | boarne bewurkje]Foxxx is hikke en tein yn it suden fan 'e steat Kalifornje, dêr't se berne waard yn it stedsje Rialto, fuort by San Bernardino. Yn in fraachpetear joech se oan dat se foar it earst seksuële omgong mei in jonge hie doe't se 17 jier wie.
Ana Foxxx begûn har karriêre as fotomodel en mannekên, mar yn 2011, doe't se 23 jier wie, stapte se oer nei de pornoyndustry. Sûnt hat se neffens de Internet Adult Film Database (IAFD) yn 27 pornografyske film spile, û.m. foar sokke foaroansteande labels as Evil Angel, Jules Jordan Video, Pure Play Media, Adam & Eve, Elegant Angel, Devil's Film en Hustler Video. Teffens hat se wurke foar pornosites as Reality Kings en Porn Pros.
Bekendheid krige Foxxx fral mei This Ain't Star Trek XXX 3 en This Ain't The Expendables, twa pornografyske parodyen fan Hustler Video, en fierders mei Black Anal Addiction 2, fan Evil Angel. Se hat ûnderwilens twa nominaasjes foar pornografyprizen yn 'e wacht sleept, ien foar in Urban X Award, en sawol yn 2013 as yn 2014 ien foar in AVN Award (de Oskar fan 'e pornowrâld).
Foxxx wurket yn Los Angeles ek as escort.
Prizen en nominaasjes
[bewurkje seksje | boarne bewurkje]Jier | Priis | Resultaat | Kategory | Foar har optreden yn |
---|---|---|---|---|
2012 | Urban X Award | nominearre | opkommende froulike stjer | n.f.t. |
2013 | AVN Award | nominearre | bêste nije stjer | n.f.t. |
2014 | AVN Award | nominearre | bêste lesbyske sekssêne mei in pearke (mei Tessa Lane) | Four Rooms: Los Angeles |
Keppelings om utens
[bewurkje seksje | boarne bewurkje]- (in) Biografyske gegevens en filmografy fan Ana Foxxx yn 'e Internet Adult Film Database (IMDb)
- (in) Biografyske gegevens en filmografy fan Ana Foxxx yn 'e Internet Adult Film Database (IAFD)
- (in) Biografyske gegevens fan Ana Foxxx op Babepedia
Boarnen, noaten en/as referinsjes: | ||
|