Ministearje fan Ekonomyske Saken (Nederlân)
Ministearje fan Ekonomyske Saken en Klimaat EZK | ||
It gebou fan it ministearje EZ yn De Haach. | ||
algemien | ||
lân | ||
adres | Bezuidenhoutseweg 73 De Haach | |
skiednis | ||
oprjochting | 17 augustus 1905 | |
funksjehâlders | ||
minister | Micky Adriaansens Rob Jetten (Enerzjy en Klimaat) | |
steatssekretaris | Hans Vijlbrief | |
sekretaris-generaal | Sandor Gaastra | |
offisjele webside | ||
https://www.rijksoverheid.nl/ministeries/ministerie-van-economische-zaken-en-klimaat |
It Nederlânske ministearje fan Ekonomyske Saken, ôfkoarte ta EZ (Economische Zaken) bemuoit him mei alles wat te krijen hat mei de Nederlânske ekonomy, lykas hannel, yndustry, kommunikaasje, enerzjyfoarsjenning, ûndernimme en ynnovaasje, mar ek konsumintesaken sa as produkt- en itensfeiligens.
Skiednis
[bewurkje seksje | boarne bewurkje]It ministearje waard yn 1905 ynsteld as departemint fan Lânbou, Hannel en Yndustry. Dêrnei feroare de namme in pear kear, bygelyks doe't it Lânboubeliedsterrein ôfsplitst waard.
Yn 1946 waard de hjoeddeiske namme keazen en fan 1950 ôf waard der in steatssikretaris beneamd. Fan 1978 ôf is de steatssikretaris ferantwurdlik foar ûnder oare de bûtenlânske hannel.
Op 14 oktober 2010 binne it ministearje fan Ekonomyske Saken en it ministearje fan Lânbou, Natuer en Itenskwaliteit ien wurden as it ministearje fan Ekonomyske Saken, Lânbou en Ynnovaasje. It twadde kabinet-Rutte besleat lykwols om fan novimber 2012 ôf de namme ministearje fan Ekonomyske Saken wer te brûken.
Nei it foarmjen fan it kabinet-Rutte III op 26 oktober 2017 waard it ministearje fan Lânbou, Natuer en Fiedselkwaliteit fannijs foarme en waard it beliedsmêd "Klimaat" taheake oan it dat no it "ministearje fan Ekonomyske Saken en Klimaat" hjit.
Yn 2024, doe't it kabinet-Schoof begûn, waard "klimaat" nei it ministearje fan Klimaat en Griene Groei ôfspjalte. Sûnt dat stuit hjit it ministearje fannijs gewoanwei "Ekonomyske Saken".
Politike lieding
[bewurkje seksje | boarne bewurkje]De ministers yn it kabinet-Rutte III wiene Eric Wiebes (VVD) en Bas van 't Wout (VVD). De steatssekretarissen wiene Mona Keijzer (CDA) en Dilan Yeşilgöz-Zegerius (VVD).
Yn it kabinet-Rutte IV is Micky Adriaansens (VVD) de minister. Rob Jetten (D66) is minister fan Enerzjy en Klimaat, Hans Vijlbrief (D66) is steatssikretaris.
Yn it kabinet-Schoof waard Dirk Beljaarts (PVV) de minister.
Keppeling om utens
[bewurkje seksje | boarne bewurkje]Nederlânske ministearjes | ||
---|---|---|
Algemiene Saken (AZ) ·
Binnenlânske Saken en Keninkryksrelaasjes (BZK) ·
Bûtenlânske Saken (BZ) ·
Definsje (Def) ·
Ekonomyske Saken en Klimaat (EZ) ·
Finânsjes (Fin) ·
Folkssûnens, Wolwêzen en Sport (VWS) ·
Ynfrastruktuer en Wettersteat (I&W) ·
Justysje en Feiligens (J&V) ·
Lânbou, Natuer en Fiedselkwaliteit (LNV) ·
Sosjale Saken en Wurkgelegenheid (SZW) ·
Underwiis, Kultuer en Wittenskip (OCW) | ||