Nevermind
Nevermind | |||||||
algemiene ynformaasje | |||||||
artyst | Nirvana | ||||||
taal | Ingelsk | ||||||
sjenre | Grunge | ||||||
útbrocht | 24 septimber 1991 | ||||||
opnommen | Sound City en Smart studio's, maitiid 1991 | ||||||
doer | 42:36 | ||||||
label | DGC | ||||||
produsint | Butch Vig, Nirvana | ||||||
resultaten | |||||||
albumlisten | |||||||
sertifisearre | |||||||
albumgronology fan Nirvana | |||||||
|
Nevermind (útspraak: /ˈnɛvəˌmaɪnd/) is it twadde studio-album fan Nirvana. It album waard opnommen yn de maitiid fan 1991 yn de Sound City yn Los Angeles en de Smart studio's, yn Madison en yn de hjerst fan datselde jier op 24 septimber útbrocht. De singles fan Nevermind binne klassikers wurden, it album soarge foar bekendheid by it grutte publyk.
Albumomslach
[bewurkje seksje | boarne bewurkje]De poppe dy 't neaken op de omslach te sjen is, is Spencer Elden. Hy waard samar keazen. As beleanning seinen Kurt en Courtney Love ta letter ris mei him nei in restaurant te gean (itjinge nea barde, om 't Kurt Cobain himsels yn 1994 te koart die). Op de omslach is er fjouwer moannen âld. De fiskheak mei it dollarbiljet waard letter digitaal tafoege. It byld symbolisearret de teloargong fan de ûnskuld fan de jongerein.
De âlden fan Elden krigen 200 dollar foar de foto. Yn 2007 sei Elden dat er him skamme foar de foto dêr 't er neaken op te sjen is. Neffens eigen sizzen fielt er him de grutste pornostjer fan de wrâld, om't de cd oer de hiele wrâld ferkocht is. Lykwols, yn 2016 ferklearret er der frede mei te hawwen en hat sels in "25 jier letter"- foto meitsje litten.
Mar yn augustus 2021 klage Elden de band oan, omdat er it gebrûk fan syn foto op de omslach no "berneporno" en "seksuele útrûpeling" fynt. Ek soe him tasein wêze dat syn geslachtsdiel mei in stikker bedutsen wurde soe. Hy easke in skeafergoeding fan 150.000 Amerikaanske dollar. Syn rjochtsaak waard yn jannewaris 2022 ôfwiisd. Elden hat de saak mei in oar formulearre eask op 'e nij oanspand.[1][2]
Ferburgen nûmer
[bewurkje seksje | boarne bewurkje]De earste fyftichtûzen eksimplaren fan dit album stoppe nei it nûmer Something In The Way. Alle oare eksimplaren befetsje nei dat nûmer in stilte fan tsien minuten folge troch in ferburgen nûmer: Endless, Nameless. It is in soarte fan jamsesje dy't ûntstie nei't in opname fan Lithium, net alhiel goed gie.
Spyllist
[bewurkje seksje | boarne bewurkje]nû. | titel | skriuwers | doer |
---|---|---|---|
1. | Smells Like Teen Spirit | Kurt Cobain, Krist Novoselic, Dave Grohl |
5:01 |
2. | In Bloom | Cobain | 4:14 |
3. | Come as You Are | Cobain | 3:39 |
4. | Breed | Cobain | 3:03 |
5. | Lithium | Cobain | 4:17 |
6. | Polly | Cobain | 2:57 |
7. | Territorial Pissings | Cobain, Chet Powers |
2:22 |
8. | Drain You | Cobain | 3:43 |
9. | Lounge Act | Cobain | 2:36 |
10. | Stay Away | Cobain | 3:32 |
11. | On a Plain | Cobain | 3:16 |
12. | Something in the Way | Cobain | 3:52 |
Endless, Nameless (ferburgen nûmer op lettere cd útjeften) |
Cobain, Novoselic, Grohl |
6:43 |
Singles
[bewurkje seksje | boarne bewurkje]titel | skriuwers | doer | utbrocht |
---|---|---|---|
Smells Like Teen Spirit | Kurt Cobain, Krist Novoselic, Dave Grohl |
5:01 | 10 septimber 1991 |
Come as You Are | Cobain | 3:39 | 2 maart 1992 |
Lithium | Cobain | 4:17 | 13 july 1992 |
In Bloom | Cobain | 4:14 | 30 novimber 1992 |
Muzikanten
[bewurkje seksje | boarne bewurkje]- Kurt Cobain – Sang & Gitaar
- Krist Novoselic – Bas
- Dave Grohl – Drums & Eftergrûnsang
Gastmuzikanten
[bewurkje seksje | boarne bewurkje]- Chad Channing – bekken
- Kirk Canning – sello
Boarnen, noaten en/as referinsjes: |